महेंद्रसिंग धोनीच्या पहिल्या चित्रपटाचा ट्रेलर पाहिलात का? ‘या’ दिवशी चित्रपटगृहात होणार प्रदर्शित

‘लेट्स गेट मॅरिड’ या चित्रपटाची कहाणी गौतम व मीरा या पात्रांभोवती फिरणारी आहे. गौतम व मीराचे एकमेकांवर खूप प्रेम असते. त्यामुळे दोघं लग्न करायचं ठरवतात, पण लग्नानंतर मीराला गौतमच्या आईबरोबर राहण्याची इच्छा नसते; त्यामुळे गौतम एक ट्रिप प्लॅन करतो. जेणेकरून त्याच्या आईचं आणि मीराचं नातं घट्ट होईल, असं या चित्रपटात दाखवण्यात आलं आहे.

हेही वाचा – ओटीटीवर पदार्पण करणारी नर्गिस फाखरी चर्चेत; म्हणाली, “मी कोणत्याही प्रोजेक्टसाठी नग्न…”

धोनीचा ‘एलजीएम’ हा तमिळ चित्रपट आहे. रमेश थमिलामानी यांनी या चित्रपटाच्या दिग्दर्शनाची धुरा सांभाळली आहे. अभिनेता हरीश कल्याण, नादिया आणि इवाना ‘एलजीएम’मध्ये प्रमुख भूमिकेत पाहायला मिळणार आहेत.

हेही वाचा – अभिनेते गिरीश कुलकर्णी सोशल मीडियाचा वापर का करत नाहीत? म्हणाले, “फॉलो…”

दरम्यान, धोनी प्रोडक्शनचा हा पहिला वहिला चित्रपट ३१ जुलैला चित्रपटगृहात प्रदर्शित होणार आहे. महेंद्रसिंग धोनी या चित्रपटाबाबत खूप उत्सुक आहे. एप्रिल २०२३ मध्ये ‘एलएजीएम’ या चित्रपटाचे पोस्टर प्रदर्शित झाले होते, तेव्हा धोनी म्हणाला होता की, “हा चित्रपट प्रेक्षकांना आनंद देईल. ‘एलजीएम’ एक कौटुंबिक मनोरंजनात्मक चित्रपट आहे, जो सगळ्यांना आवडेल.’