नाना- अनिल कपूर जोडी पुन्हा दिसणार, ‘वेलकम ३’ आणि ‘वेलकम ४’ही येणार

‘वेलकम ३’ आणि ‘वेलकम ४’ साठी नाना पाटेकर, अनिल कपूर आणि जॉन अब्राहमचं नाव निश्चित करण्यात आलं आहे. ‘वेलकम ३’ २०२० पर्यंत आणि ‘वेलकम ४’ २०२१मध्ये प्रेक्षकांच्या भेटीला आणण्याचा प्रयत्न निर्मात्यांचा असणार आहे. ‘वेलकम ३ मध्ये नाना, जॉन, अनिल हे त्रिकुट दिसणार असून अहमद खान तिसऱ्या भागाच्या दिग्दर्शनाची धुरा सांभाळतील’ अशी माहिती पीटीआयनं सुत्रांच्या हवाल्यानं दिली आहे.

वेलकमचं चित्रीकरण पुढील काही महिन्यात सुरू होईल अशी देखील माहिती समजत आहे. २००७ मध्ये ‘वेलकम’ चित्रपट आला होता यात अक्षयसोबत कतरिना कैफ, मल्लिका शेरावत प्रमुख भूमिकेत होती. तर २०१५ साली आलेल्या वेलकम २ मध्ये जॉन आणि श्रुती हसन प्रमुख भूमिकेत होते.