Video: घरात मृतावस्थेत आढळलेल्या अभिनेत्रीने मृत्यूच्या काही तास आधी केलेली शेवटची पोस्ट, ‘तो’ व्हिडीओ पाहून हळहळले चाहते

राहत्या फ्लॅटमध्ये मृतावस्थेत आढळली ३५ वर्षीय प्रसिद्ध अभिनेत्री, सुपरहिट चित्रपटांसह मालिकांमध्ये केलंय काम

रेंजुशाने तिच्या मृत्यूच्या काही तास आधी तिच्या सोशल मीडिया अकाउंटवर एक व्हिडीओ पोस्ट शेअर केली होती. व्हिडीओत तिने ‘आनंदा रागम’मधील तिची सह-कलाकार श्रीदेवी अनिलबरोबर एका विनोदी डायलॉगवर लिपसिंक व अभिनय केला होता. तिच्या निधनाची बातमी येताच तिची इन्स्टाग्राम पोस्ट व्हायरल झाली आहे.

रेंजुशाच्या या इन्स्टाग्राम व्हिडीओवर चाहते व सह-कलाकार कमेंट करून श्रद्धांजली वाहत आहेत. तिच्या निधनामुळे चाहत्यांना धक्का बसला आहे. या घटनेवर विश्वास बसत नसल्याच्या कमेंट्सही त्यांनी केल्या आहेत.

“मी तिच्याइतकी सुंदर नाही पण…”, ‘या’ अभिनेत्रीने साकारावी आपली भूमिका, सुधा मूर्तींची इच्छा

दरम्यान, रेंजुशा केरळमधील थिरवनंतपुरम येथील करियम येथील तिच्या फ्लॅटमध्ये मृतावस्थेत आढळली. रेंजुशाच्या पश्चात पती, आई आणि वडील असा परिवार आहे. तिने ‘सिटी ऑफ गॉड’, ‘मेरीकुंडोरू कुंजाडू’, ‘बॉम्बे मार्च’, ‘कार्यस्थान’, ‘वन वे तिकीट’, ‘अथभूता द्विपू’ यासह अनेक टेलिव्हिजन शो आणि चित्रपटांमध्ये काम केलंय.