मराठी मनावर अधिराज्य गाजवणारा सुपरस्टार म्हणून अभिनेता अंकुश चौधरीला ओळखले जाते. सध्या मराठी सिनेसृष्टीतील आघाडीचा अभिनेता म्हणून तो कार्यरत आहे. दमदार अभिनय कौशल्याच्या जोरावर अंकुशने त्याची एक वेगळी ओळख निर्माण केली आहे. अंकुश चौधरीप्रमाणेच त्याची पत्नी दीपा परब ही गुणी अभिनेत्री आहे. आज ३१ ऑक्टोबर रोजी तिचा वाढदिवस असतो. तिच्या वाढदिवसानिमित्त तिला अनेकजण शुभेच्छा देत आहेत. नुकतंच अंकुशने दीपाबद्दलची एक पोस्ट शेअर केली आहे
अंकुशची पत्नी दीपा परब ही ‘तू चालं पुढं’ या मालिकेत झळकताना दिसत आहे. झी मराठीवरील या मालिकेला प्रेक्षकांचा चांगला प्रतिसाद मिळत असल्याचे दिसत आहे. तर दुसरीकडे काही दिवसांपूर्वी प्रदर्शित झालेला दगडी चाळ २ हा चित्रपट टीव्हीवर प्रक्षेपित करण्यात आला. यानिमित्ताने अनेक ठिकाणी प्रमोशनचे होर्डिंग्स लावण्यात आले होते. याबद्दल अंकुश चौधरीने एक व्हिडीओ शेअर केला आहे. त्यात त्याने पत्नी दीपालाही टॅग केले आहे.
आणखी वाचा : “माझ्या मित्राचा संसार…” केदार शिंदेंनी अंकुश चौधरीच्या पत्नीसाठी केलेली ‘ती’ पोस्ट चर्चेत
अंकुश चौधरीने शेअर केलेल्या या व्हिडीओत प्लाझा चित्रपटगृह ते दादरच्या टिळक ब्रीज परिसर पाहायला मिळत आहे. यात त्याने त्याच्या दीपाच्या तू चालं पुढं या मालिकेचे लावलेले होर्डिंग आणि त्याच्या दगडी चाळ २ या चित्रपटाचे लावलेले होर्डिंग पाहायला मिळत आहे. याला त्याने फार हटके कॅप्शन दिले आहे.
“शिवाजी मंदीर नाट्यगृहापासून सुरु झालेला दोघांचा प्रवास ते प्लाझाला प्रिमियर झालेले आमचे चित्रपट आणि आता या दादरच्या टिळक ब्रिज वर दोघांचेही एकाचवेळी होर्डिंग्ज.. कायम लक्षात राहाणारा क्षण… आम्ही एकमेकांना नेहमी सांगत आलोय…. “तू चाल पुढं“…”, असे अंकुश चौधरीने या पोस्टच्या कॅप्शनमध्ये म्हटले आहे.
आणखी वाचा : ऐतिहासिक पात्र, बोल्ड फोटो अन् रोखठोक स्वभाव असलेल्या स्नेहलता वसईकरबद्दल माहितीये का?
अंकुश चौधरी-दीपा परबची लव्हस्टोरी
अंकुश चौधरी आणि दीपा हे दोघेही परळच्या एमडी कॉलेजमध्ये शिक्षण घेत होते. त्यावेळी त्या दोघांची पहिली भेट झाली. महाविद्यालयात असतानाच त्यांची मैत्री झाली आणि कालांतराने त्याचे प्रेमात रुपांतर झाले. ते दोघेही एकमेकांना डेट करु लागले. ‘ऑल द बेस्ट’ या नाटकात दिपा परब आणि अंकुश चौधरी यांनी एकत्र काम केले आहे. या नाटकाच्या रंगीत तालीम होत असतं. त्या तालीममुळे त्या दोघांमधील नातं घट्ट झाले.
तब्बल १० ते १२ वर्षे एकमेकांना डेट केल्यावर त्या दोघांनी २००७ मध्ये लग्न केले. दिपा व अंकुश यांना प्रिन्स नावाचा मुलगा आहे. मुलगा झाल्यानंतर दीपाने काही काळ सिनेसृष्टीतून ब्रेक घेतला होता. मात्र आता ती पुन्हा एकदा सिनेसृष्टीकडे वळली आहे.
