‘चला हवा येऊ द्या’च्या मंचावरून घराघरांत लोकप्रिय झालेले नाव म्हणून भाऊ कदम यांना ओळखले जाते. विनोदाचे बादशाह अशी त्यांची सर्वत्र महाराष्ट्रात ओळख आहे. आपल्या विनोदबुद्धीने आणि विनोदाचं अचूक टायमिंग साधत भाऊ कदमने अनेकांची मनं जिंकली. पांडू या चित्रपटानंतर आता भाऊ कदम हे एका नव्या भूमिकेत प्रेक्षकांच्या भेटीला येणार आहेत. नुकतंच त्यांच्या आगामी चित्रपटाचा टीझर प्रदर्शित झाला आहे. ‘घे डबल’ असे या चित्रपटाचे नाव आहे.
अभिनेते भाऊ कदम आणि भूषण पाटील यांची दुहेरी भूमिका असलेला ‘घे डबल’ हा चित्रपट सध्या चांगलाच चर्चेत आहे. येत्या ३० सप्टेंबरला हा चित्रपट प्रदर्शित होणार आहे. या चित्रपटाच्या टीझर पाहून हा एकंदरीत कॉमेडी चित्रपट असल्याचे पाहायला मिळत आहे. यामुळे येत्या ३० सप्टेंबरपासून सर्वत्र डब्बल कॉमेडीची हवा होणार आहे. त्यातच अभिनेते भाऊ कदम आणि भूषण पाटील यांची दुहेरी भूमिका असल्याने हा चित्रपट चांगलाच चर्चेत आहे.
आणखी वाचा : “माझ्या आयुष्यातील प्रेयसीची जागा…”, कुशल बद्रिकेच्या ‘त्या’ पोस्टची सर्वत्र चर्चा
जिओ स्टुडिओज आणि फाईन क्राफ्ट निर्मित ‘घे डबल’ चित्रपटाचे भन्नाट टीझर पोस्टर काही दिवसांपूर्वी प्रदर्शित झाले होते. या पोस्टरवरील भाऊ आणि भूषण यांच्या डबल रोलविषयी प्रेक्षकांमध्ये उत्सुकता निर्माण झाली. नुकतंच या चित्रपटाचा टीझर सगळ्यांच्या भेटीला आला आहे.
आणखी वाचा : रणबीर कपूरच्या ‘ब्रह्मास्त्र’ चित्रपटात झळकणार शाहरुख खान, प्रोमो आला समोर
विश्वास जोशी यांनी ‘घे डबल’ चित्रपटाचे दिग्दर्शन केले आहे. तर ज्योती देशपांडे आणि जिओ स्टुडिओज चित्रपटाचे निर्माते आहेत. येत्या ३० सप्टेंबर रोजी हा चित्रपट प्रदर्शित होणार आहे. खळखळून हसवण्यासाठी सज्ज असणाऱ्या या चित्रपटात कॉमेडी किंग भाऊ कदम आणि अभिनेता भूषण पाटील सोबतच छाया कदम, भारत गणेशपुरे, किशोर कदम, ओमकार भोजने, विद्याधर जोशी आणि संस्कृती बालगुडे अशी तगडी स्टारकास्टही पाहायला मिळणार आहे.
