मराठी कलाविश्वातील लोकप्रिय अभिनेता प्रसाद ओक सोशल मीडियावर प्रचंड सक्रिय असल्याचं पाहायला मिळतं. प्रसाद त्याच्या कामाबाबतची माहिती अनेकदा शेअर करताना दिसतो. पत्नी व कुटुंबियांबरोबरचे फोटोही प्रसाद शेअर करत असतो. पती पत्नीचे रील्स सोशल मीडियावर व्हायरल होत असतात. त्यावरच प्रसाद ओकने प्रतिक्रिया दिली आहे.
प्रसाद ओकला त्याच्या पत्नीची म्हणजे मंजिरी ओकची कायम साथ मिळत असते. नुकतेच दोघे महाराष्ट्राचा फेव्हरेट कोण या पुरस्कार सोहळ्याच्या रेड कार्पेटवर एकत्र आले होते. तेव्हा माध्यमांशी संवाद साधताना त्याने प्रतिक्रिया दिली. दिवसाला किती रील्स बनवता या प्रश्नावर प्रसाद म्हणाला, नाही असं काही नाही आम्हा दोघांच्या आयडिया असतात. कधी तिला सुचतं कधी मला सुचतं, लोकांचं मनोरंजन करणं हा आपला धर्म आहे.” अशा शब्दात त्याने आपली प्रतिक्रिया दिली.
ब्रेकवर असलेला आमिर खान, राजकुमार संतोषींच्या चित्रपटातून करणार कमबॅक; दिग्दर्शक म्हणाले…
प्रसादने नुकतंच त्याच्या इन्स्टाग्राम अकाऊंटवरुन नुकताच एक व्हिडीओ शेअर केला होता. ज्यात या व्हिडीओमध्ये तो म्हणतो की, “तुम्ही किती ही शिकला असाल चौथी स्कॉलरशिप सातवी स्कॉलरशिप, दहावी बोर्ड, १२ बोर्ड अमुक डिग्री तमुक डिग्री पण तरी जेव्हा एक वाक्य कानावर पडत ना? मागून आवाज येतो तुम्हाला काही कशातलं काही कळत नाही पुढे प्रसाद म्हणतो सगळ्या डिग्र्या पाण्यात गेल्या आहेत. प्रसादचा हा मजेशीर व्हिडीओ सोशल मीडियावर चर्चेत होता.
प्रसाद ओकने आजवर अनेक चित्रपटांतून प्रेक्षकांचं मनोरंजन केलं आहे. सध्या तो ‘महाराष्ट्राची हास्यजत्रा’ कार्यक्रमात परिक्षकाच्या भूमिकेत आहे. ‘धर्मवीर: मुक्काम पोस्ट ठाणे’ या चित्रपटातील प्रसाद ओकची भूमिका प्रेक्षकांच्या पसंतीस उतरली होती. या चित्रपटाचा दुसरा भाग लवकरच प्रेक्षकांच्या भेटीला येणार आहे.
