“मला आज एका मुलाखतीत नकार देण्यात आला कारण…” संदीप पाठकचा व्हिडीओ व्हायरल

संदीप पाठकने इन्स्टाग्रामवर एक व्हिडीओ पोस्ट केला आहे. यात संदीप त्याला एका मुलाखतीत नकार मिळाल्याचे सांगताना दिसत आहे. यावेळी त्याने एक रिल व्हिडीओ शेअर केला आहे. यात तो म्हणतो की “मला आज एका मुलाखतीत नकार देण्यात आला.”

त्यावर मला त्यांनी कारण सांगताना म्हटलेली की “तू फार सुंदर आहेस. जर तू आमच्याकडे नोकरी केलीस तर आमच्याकडील मुली कामावर लक्ष देणार नाहीत.” यानंतर संदीप रुमाल घेऊन रडताना दिसत आहे. संदीपने शेअर केलेला हा व्हिडीओ मजेशीर रिल प्रकारातील आहे. त्याचा हा व्हिडीओ सध्या व्हायरल होताना दिसत आहे.

दरम्यान संदीप पाठकने आतापर्यंत श्वास, एक डाव धोबीपछाड, हरिश्चंद्राची फॅक्टरी, शहाणपण देगा देवा, एक हजाराची नोट, येड्याची जत्रा, देऊळ बंद, डबल सीट, नटसम्राट, बेनवाड, ईडक, राख अशा अनेक चित्रपटात महत्त्वाची भूमिका साकारली होती. वऱ्हाड निघालंय लंडनला या नाटकाने त्याला प्रचंड लोकप्रियता मिळाली. दरम्यान काही दिवसांपूर्वी तो श्रेयस तळपदे आणि मुक्ता बर्वे यांची मुख्य भूमिका असलेल्या आपडी थापडी या चित्रपटात झळकला होता.