छोट्या पडद्यावरिल अभिनेत्री प्राजक्ता माळी ही लोकप्रिय अभिनेत्रीं पैकी एक आहे. प्राजक्ता सोशल मीडियावर सक्रिय असल्याचे दिसते. फोटो आणि व्हिडीओ सोशल मीडियावर शेअर करत प्राजक्ता चाहत्यांच्या संपर्कात राहण्याचा प्रयत्न करते. आता प्राजक्ताने नुकताच एक व्हिडीओ सोशल मीडियावर शेअर केला आहे. तिचा हा व्हिडीओ सोशल मीडियावर प्रचंड व्हायरल झाला आहे.
प्राजक्ताने हा व्हिडीओ तिच्या इन्स्टाग्राम अकाऊंटवरून शेअर केला आहे. या व्हिडीओत प्राजक्ता ‘देवदास’ या चित्रपटातील ‘डोला रे डोला’ या गाण्यावर डान्स करताना दिसत आहे. हा व्हिडीओ तिच्या बालपणीचा आहे. व्हिडीओ नीट दिसत नसला तरी प्राजक्ताच्या बालपणीच्या आठवणी मात्र ताज्या झाल्या आहेत. प्राजक्ताला लहान असल्यापासूनच डान्स आणि अभिनयाची आवड होती. “जेव्हा मी काडीपैलवान होते आणि सीडी बघून हुबेबुब डान्स करण्याचा प्रयत्न करायचे,” असे गंमतीशीर कॅप्शन प्राजक्ताने या व्हिडीओला दिले आहे. प्राजक्ताचा हा व्हिडीओ सोशल मीडियावर प्रचंड व्हायरल झाला आहे.
२०११ मध्ये प्राजक्ताने ‘सुवासिनी’ या मालिकेतून छोट्या पडद्यावर पदार्पण केले होते. मात्र, तिला खरी प्रसिद्धी ही ‘जुळून येती रेशिम गाठी’ या मालिकेतून मिळाली. या मालिकेतून प्राजक्ता घराघरात पोहोचली. या मालिकेत प्राजक्ताने मेघा देसाईची भूमिका साकारली होती. या मालिकेनंतर प्राजक्ताला ‘खो-खो’, ‘हंपी’ आणि ‘डॉ. काशिनाथ घाणेकर’ सारख्या अनेक चित्रपटांमध्ये काम करण्यातची संधी मिळाली. सध्या प्राजक्ता ‘महाराष्ट्राची हास्यजत्रा’ या विनोदी शोचे सुत्रसंचालन करत आहे.