झी मराठी वाहिनीवर ‘माझी तुझी रेशीमगाठ’ ही मालिका प्रेक्षकांच्या चांगलीच पसंतीस उतरताना पाहायला मिळत आहे. या मालिकेत अभिनेता श्रेयस तळपदे, प्रार्थना बेहरे, संकर्षण कऱ्हाडे, प्रदीप वेलणकर या कलाकारांमुळे तिला विशेष पसंती मिळत आहे. या कलाकारांमुळे मालिकेला चार चांद लागले आहेत. या मालिकेत अभिनेत्री प्रार्थना बेहरे ही नेहा कामत ही भूमिका साकारत आहे. या मालिकेद्वारे ती घराघरात पोहोचली आहे. प्रार्थना बेहरेच्या घरी एक नवा पाहुणा आला आहे. तिने त्याचा एक खास व्हिडीओ शेअर केला आहे.
प्रार्थनाने नुकतंच तिच्या इन्स्टाग्रामवर एक व्हिडीओ शेअर केला आहे. या व्हिडीओत ती एका सोफ्यावर बसून कुत्र्यासोबत खेळताना दिसत आहे. भेटा माझ्या घरातील नव्या पाहुण्याला…, असे तिने या व्हिडीओला कॅप्शन देताना म्हटले आहे. मूव्ही असे तिच्या घरातील छोट्याशा पाहुण्याचे नाव आहे. तिचा हा छोटा पाहुणा दुसरा तिसरा कोणी नसून तिचा पाळीव कुत्रा आहे.
‘माझी तुझी रेशीमगाठ’ मालिकेत नेहाचा होणार कायापालट, नव्या लूकचा व्हिडीओ चर्चेत
तिने याचा एक छान व्हिडीओदेखील शेअर केला आहे. विशेष म्हणजे प्रार्थनाला पाळीवर प्राण्यांबद्दल खूपच प्रेम आहे. तिच्याकडे गब्बर नावाचा एक कुत्रा आहे. तसेच फिल्मी नावाचं एक छोटंसं पिल्लू देखील तिच्या घरी आहे. ती अनेकदा त्यांच्यासोबतचे फोटो व्हिडीओ शेअर करताना दिसते.
‘माझी तुझी रेशीमगाठ’ मालिकेतून प्रार्थना बेहरेने घेतला ब्रेक, कारण आले समोर
दरम्यान सध्या प्रार्थना ही माझी तुझी रेशीमगाठ या मालिकेत झळकताना दिसत आहे. या मालिकेत तिने नेहा हे पात्र साकारलं आहे. सध्या या मालिकेत नवनवीन ट्विस्ट येताना पाहायला मिळत आहे. विशेष म्हणजे या मालिकेचा चाहता वर्गही फार मोठा आहे. पण या ट्विस्टमुळे या मालिकेविषय़ी असलेली प्रेक्षकांची उत्सुकता कमालीची वाढली आहे.
