“तुझा अभिमान…”, अभिज्ञा भावेने ‘व्हॉट झुमका’ गाण्यावर केला भन्नाट डान्स, क्षिती जोगचे कौतुक करत म्हणाली…

हेही वाचा : Friendship Day : “आयुष्यातील हीच ती लोकं…”, मैत्री दिवसाच्या निमित्ताने केदार शिंदेनी शेअर केला खास फोटो; म्हणाले, “यांना ओळखलंत का?”

‘व्हॉट झुमका’ या गाण्यावर भगव्या रंगाची साडी नेसून अभिज्ञाने डान्स केला आहे. या व्हिडीओमध्ये श्रेया बुगडे तिला साथ देताना दिसते. अभिनेत्रीने डान्सचा व्हिडीओ शेअर केल्यावर नेटकऱ्यांनी त्यावर लाइक्स आणि कमेंट्स वर्षाव केला आहे. यामध्ये अभिज्ञा लिहिते, “या चित्रपटामुळे मी पुन्हा एकदा बॉलीवूडची जादू अनुभवली. यामध्ये सर्वांनी खूपच सुंदर काम केले आहे. आलिया भट्टला बंगाली मुलीच्या भूमिकेत पाहणे ही आमच्यासाठी एक ट्रीट आहे. रॉकी रंधावामुळे मी रणवीर सिंहच्या पुन्हा एकदा प्रेमात पडले आहे. त्याची एनर्जी, संपूर्ण चित्रपटातील अभिनय थक्क करणारा आहे.”

हेही वाचा : “माझ्या मृत्यूचा प्रसंग…”, ‘हम आपके है कौन’ पाहून रेणुका शहाणेंचा मुलगा कोणावर संतापला? अभिनेत्रीने सांगितला किस्सा

अभित्रा पुढे म्हणाली, “सगळ्यात महत्त्वाचे म्हणजे आमची क्षिती जोग…दिग्गज कलाकारांसमोर तू जो अभिनय केला आहेस तो पाहून खरंच आम्हाला सर्वांना तुझा अभिमान वाटत आहे.” क्षितीने हा डान्स व्हिडीओ रिशेअर करत अभिज्ञाने केलेल्या कौतुकासाठी धन्यवाद म्हटले आहे.

हेही वाचा : “UPSC चा फॉर्म भरायला विसरले अन्…”, स्पृहा जोशीने सांगितला अभिनय क्षेत्रातील प्रवास; म्हणाली “बाबांकडून सहा महिने…”

दरम्यान, ‘रॉकी और रानी की प्रेम कहानी’ या चित्रपटात अभिनेत्री आलिया भट्ट, रणवीर सिंह, क्षिती जोग, धर्मेंद्र, शबाना आझमी, जया बच्चन या कलाकारांच्या महत्त्वाच्या भूमिका आहेत. चित्रपटाने बॉक्स ऑफिसवर आतापर्यंत ९० कोटींहून अधिक कमाई केली आहे.