अभिनेता रितेश देशमुख आणि जिनिलीया देशमुख बॉलीवूडमधील लोकप्रिय कपल आहेत. सोशल मीडियावर दोघे नेहमी सक्रिय असतात. निरनिराळे फोटो आणि व्हिडीओ पोस्ट करत ते चाहत्यांना अपडेट देत असतात. सोशल मीडियावर शेअऱ केलेल्या व्हिडीओमधून रितेश आणि जिनिलीयामधील केमिस्ट्री दिसून येते. दरम्यान जिनिलियाने रितेश देशमुखचा एक व्हिडीओ पोस्ट केला आहे. या व्हिडीओची सगळीकडे चर्चा सुरु आहे.
हेही वाचा- “तुझं स्थान…”, प्रथमेश परबच्या खऱ्या आयुष्यातील प्राजूला पाहिलंत का? वाढदिवशी शेअर केली रोमँटिक पोस्ट
रितेश देशमुख तीन दिवसाचं वेळापत्रक लिहिताना दिसत आहेत. हा व्हिडीओ शेअर करत तिने “आई तीन दिवसांसाठी बाहेर जाणार आहे, आणि बाबांनी घर सांभाळायचं ठरवलं आहे, रितेश आय लव्ह यु” असं कॅप्शनही दिलं आहे. जेनेलिया तीन दिवसांसाठी बाहेर जाणार असून मुलांना सांभाळण्याची जबाबदारी रितेशने घेतली असल्याचे दिसून येत आहे. जिनिलियाच्या गैरहजरीत मुलांची गैरसोय होऊ नये म्हणून रितेशनेच चक्क त्यांचं तीन दिवसांच वेळापत्रक बनवलं आहे.
रितेश आणि जिनिलिया दोघे मिळून मुलांच संगोपन करतात. दोघेही अनेकदा त्यांच्या मुलांबरोबर वेळ घालवताना दिसतात. सोशल मीडियावरही अनेकदा रितेश आणि जिनिलिया आपल्या मुलांबरोबरचा व्हिडीओ शेअऱ करत असतात. जिनिलियाच्या गैरहजरीत रितेश मुलांकडे विशेष लक्ष देताना दिसतो.
हेही वाचा-
रितेश जिनिलीयाप्रमाणे त्यांची मुलंही नेहमीच चर्चेत असतात. रितेश जिनिलीयाच्या दोन्ही मुलांच्या संस्काराचे कायमच कौतुक होतं. पालक म्हणून रितेश आणि जिनिलियाने आपल्या मुलांचा चांगले संस्कार दिले आहेत हे वेळोवेळी समोर आलं आहे. रितेश आणि जिनिलिया अनेकदा त्यांच्या मुलांबरोबर विविध ठिकाणी एकत्र हजेरी लावताना दिसतात. दरवेळी त्यांची दोन्ही मुलं फोटोग्राफर्सना बघून हात जोडताना दिसतात. त्यांच्या या कृतीबद्दल त्यांचं सगळेजण नेहमीच कौतुकही करतात.
