आज देशभरात बालदिवस मोठ्या उत्साहात साजरा केला जात आहे. बालदिन दरवर्षी १४ नोव्हेंबर रोजी साजरा केला जातो. १४ नोव्हेंबर रोजी भारताचे पहिले पंतप्रधान पंडित जवाहरलाल नेहरू यांच्या जन्मदिनी साजरा केला जातो. बालदिनानिमित्त अनेक कलाकारांनी आपले लहानपणीचे फोटो सोशल मीडियावर शेअर केले आहेत.
हेही वाचा- सोनाली कुलकर्णीने दुबईत खरेदी केलं नवीन घर! दारावरच्या हटके नेमप्लेटने वेधलं लक्ष, पाहा फोटो
मराठी अभिनेते सचिन पिळगावकरांनी बालदिनानिमित्त इनस्टाग्रामवर आपल्या लहानपणीचे काही फोटो शेअर केले आहेत. या फोटोबरोबर त्यांनी त्यांची लहापणीची एक आठवणही सांगितली आहे. फोटो शेअऱ करत पिळगांवकरांनी लिहिलं बाल कलाकार म्हणून मी ४० चित्रपट केले. चित्रपटाचे सेट माझ्यासाठी शाळेसारखे होते. तिथं मला शिकायला खूप मिळालं. माझे फोटो काढण्यासाठी माझे वडील मला स्टुडीओत घेऊन जायचे. मला ही हेअरस्टाईल बिलकूल आवडायची नाही. पण आज हा फोटो जेव्हा मी बघतो तेव्हा तो मला अमूल्य वाटतो.”
दरम्यान अभिनेते सचिन पिळगावकर हे गेली अनेक वर्ष चित्रपटसृष्टीत कार्यरत आहेत. मराठी तसेच हिंदी सिनेसृष्टीत त्यांनी आपल्या अभिनयाचा ठसा उमटवला आहे. त्यांनी आपल्या कारकिर्दीची सुरवात बालकलाकार म्हणून केली. अभिनयाबरोबर सचिन पिळगावकर एक उत्तम गायक आणि दिग्दर्शक आणि निर्मातेही आहेत. ‘महागुरु’ या नावाने त्यांना विशेष ओळखले जाते.
