अभिनेत्री अमृता सुभाषने मराठीसह बॉलिवूडमध्येही स्वतःचं एक वेगळं स्थान निर्माण केलं. आपल्या अभिनयाने प्रेक्षकांना आपलंस करणारी अमृता सध्या एका वेगळ्याच कारणामुळे चर्चेत आली आहे. तिने इन्स्टाग्रामद्वारे एक पोस्ट शेअर करताच तिच्यावर शुभेच्छांचा वर्षाव होत आहे. याचमागचं कारणही तितकंच खास आहे. अमृताच्या घरी लवकरच नव्या पाहुण्याचं आगमन होणार आहे. तिने सोशल मीडियाद्वारे आपला आनंद व्यक्त करत याबाबत माहिती दिली. पण ही सगळी धडपड चित्रपटाच्या प्रमोशनसाठी असल्याचं आता समोर आलं आहे. आणखी वाचा - Video : मराठी मालिकांमध्ये काम करणाऱ्या सुप्रसिद्ध अभिनेत्रीने खरेदी केली महागडी कार, व्हिडीओ शेअर करत म्हणाली… अमृता आणि दिग्दर्शक-अभिनेता संदेश कुलकर्णीचं २००३मध्ये लग्नसोहळा पार पडला. आता या दोघांच्या लग्नाला १९ वर्ष पूर्ण झाली आहेत. लग्नाला १९ वर्ष पूर्ण झाल्यानंतर अमृताने गोड बातमी दिली आहे असं चाहत्यांसह सेलिब्रिटी मंडळींनाही वाटलं. पण तिने दुसरी पोस्ट शेअर केल्यानंतर या चर्चांमध्ये तथ्य नसल्याचं स्पष्ट झालं. अमृताने तिच्या इन्स्टाग्राम अकाऊंटद्वारे प्रेग्नेंसी टेस्टचा फोटो शेअर केला आहे. या फोटोमध्ये तिची प्रेग्नेंसी टेस्ट सकारात्मक आली असल्याचं दिसत आहे. अमृताने हा फोटो शेअर करत म्हटलं की, "आता आश्चर्यकारक सुरुवात." तसेच गरोदर महिलेचं इमोजीही तिने पोस्टद्वारे शेअर केला आहे. आणखी वाचा - आता अशी दिसते मराठी मालिकांमध्ये काम करणारी सुप्रसिद्ध अभिनेत्री, अभिनयक्षेत्रामधून ब्रेक घेत अमेरिकेमध्ये स्थायिक झाली अन्… तिची पोस्ट पाहिल्यानंतर चाहते तिला भरभरून शुभेच्छा देताना दिसत आहेत. तसेच कलाक्षेत्रामधील मंडळीही कमेंटच्या माध्यमातून तिचं अभिनंदन करत आहेत. पण आता कमेंटच्या माध्यमातून त्यांनाही उत्तर देत मी गरोदर नसल्याचं अमृताने सांगितलं आहे.
