मराठी व हिंदी सिनेसृष्टीतील लाडकी जोडी म्हणजे अभिनेता रितेश देशमुख व जिनिलीया देशमुख. या दोघांना एकत्र पाहायला सगळ्यांना खूप आवडतं. सोशल मीडियावर दोघं खूप सक्रिय असतात. अनेकदा फोटो, मजेशीर व्हिडीओ, डान्स व्हिडीओ शेअर करत असतात. याशिवाय स्वतःची परखड मत देखील व्यक्त करत असतात. आज रितेश व जिनिलीयाचा धाकटा मुलगा राहीलचा वाढदिवस आहे. त्यानिमित्ताने जिनिलीयाने एक खास पोस्ट लिहिली आहे. हेही वाचा – Video: अनंत-राधिकाच्या दुसऱ्या प्री-वेडिंगमध्ये गुरू रंधावाच्या गाण्यावर रणवीर सिंहने ओरीला उचलून घेतलं अन्…, पाहा व्हिडीओ अभिनेत्री जिनिलीया देशमुखने लेक राहील बरोबरचा एक व्हिडीओ शेअर करून ही खास पोस्ट लिहिली आहे. या व्हिडीओत, जिनिलीया राहीलला उचलून घराबाहेर फेऱ्या मारताना दिसत आहे. हा व्हिडीओ शेअर करत तिनं लिहिलं आहे, "ते म्हणतात ना तुमचं दुसरं मूल अगदी तुमची हुबेहूब प्रतिमा असते. ते बाकी खरं आहे. मजेशीर, उत्साही, खंबीर आणि परिपूर्ण म्हणजे हे मूल. ते नेहमी तुम्हाला प्रोत्साहन देणारं सर्वात मोठं प्रेरणादायी व्यक्तीमत्व आहे. शिवाय तुम्हाला ते जेवढं एक पालक म्हणून कठोर बनवतात तेवढीच त्यांच्यात तुम्हाला तुमच्या सर्वात वाईट दिवसांत आनंदी ठेवण्याची क्षमता असते." "माझे जे काही आहे ते तूच आहेस. मला आशा आहे की, जेव्हाही तुला माझी गरज भासेल तेव्हा तुला साथ देण्याची ताकद माझ्याकडे असेल. वाढदिवसाच्या खूप खूप शुभेच्छा…", अशी सुंदर पोस्ट लिहून जिनिलीयाने राहीलला वाढदिवसाच्या शुभेच्छा दिल्या आहेत. सध्या अभिनेत्रीची ही पोस्ट सोशल मीडियावर चांगलीच व्हायरल झाली आहे. हेही वाचा - श्रेयस तळपदे व संकर्षण कऱ्हाडेच्या भेटीमुळे ‘माझी तुझी रेशीमगाठ २’च्या चर्चांना उधाण, भेटीमागचं नेमकं कारण काय? वाचा… हेही वाचा – Video: ‘पारू’ मालिकेतील आदित्यने खऱ्या बायकोसाठी केला खास पदार्थ, व्हिडीओ शेअर करत म्हणाली, “माझा सॉलिड शेफ” जिनिलीयाच्या या पोस्टवर कलाकार मंडळींसह चाहत्यांनी राहीलला वाढदिवसाच्या शुभेच्छा दिल्या आहेत. अभिनेत्री जिया शंकर, मुश्ताक शेख अशा बऱ्याच कलाकारांनी राहीलला शुभेच्छा दिल्या आहेत. तसंच "तू सर्वोत्कृष्ट आई, पत्नी आणि अभिनेत्री आहेस", "राहील वाढदिवसाच्या शुभेच्छा", "खूप सुंदर", "तू जे दुसऱ्या मुलाबद्दल लिहिलं आहेस, ते खरं आहे. देवाचा आशीर्वाद सदैव तुमच्या पाठीशी असू दे", अशा समिश्र प्रतिक्रिया जिनिलीयाच्या पोस्टवर उमटल्या आहेत.
