‘देवयानी’ या मालिकेतून घराघरात पोहोचलेली अभिनेत्री शिवानी सुर्वेने नुकताच अभिनेता अजिंक्य ननावरेशी साखरपुडा केला. काल (३१ जानेवारी) शिवानीने सोशल मीडियावर फोटो पोस्ट करून चाहत्यांबरोबर ही आनंदाची बातमी शेअर केली. तेव्हापासून शिवानी-अजिंक्यला कलाकार मंडळींसह चाहते शुभेच्छा देत आहेत.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

‘बिग बॉस मराठी’च्या पहिल्या सीझनची विजेती मेघा धाडेने शिवानी सुर्वे-अजिंक्य ननावरेच्या साखरपुड्याचा व्हिडीओ शेअर केला आहे. ज्यामध्ये शिवानी-अजिंक्य एकमेकांना अंगठी घालताना दिसत आहेत. पण यादरम्यान शिवानीला कोणत्या हाताच्या बोटात अंगठी घालायचं हे अजिंक्यला कळतं नव्हतं. त्यामुळे अभिनेत्री इतरांना विचारताना दिसत आहे.

आणखी वाचा

हेही वाचा – चोप्रा कुटुंबात पुन्हा वाजणार सनई-चौघडे, परिणीतीनंतर प्रियांकाची ‘ही’ बहीण चढणार बोहल्यावर, स्वतः खुलासा करत म्हणाली…

शिवानी-अजिंक्यच्या नात्याला घरच्यांचा होता विरोध

दरम्यान, शिवानी-अजिंक्यची भेट ‘तू जीवाला गुंतवावे’ या मालिकेमुळे झाली. या मालिकेत अजिंक्यची मध्येच एन्ट्री झाली होती. पण त्याच्या एन्ट्रीनंतर ३ महिन्यांनी मालिका बंद झाली. यावेळी दोघांची हाय-हॅलो करण्यापर्यंतचं मैत्री झाली होती. हळूहळू शिवानीला अजिंक्यबाबतीत वेगळं जाणवू लागलं. २०१५-१६च्या दरम्यान दोघांच्या रिलेशनशिपला सुरुवात झाली.

हेही वाचा – Video: चाहत्यांच्या धक्काबुक्कीमुळे पडला Bigg Boss 17 विजेता मुनव्वर फारुकी, व्हिडीओ व्हायरल

२०१७मध्ये दोघांनी आपल्या नात्यांबद्दल आपापल्या घरी सांगितलं. पण दोन्ही घरातून शिवानी-अजिंक्यच्या नात्याला विरोध दर्शवला. हे फक्त आकर्षण आहे. तुमचे एकमेकांवर खरं प्रेम असेल तर एकत्र राहून दाखवा, असं दोघांच्या घरच्यांनी सांगितलं. घरच्यांच्या या सल्ल्यानंतर शिवानी व अजिंक्य लिव्हइनमध्ये राहू लागले. यानंतर चार वर्षांनी दोघांच्या कुटुंबीयांनी नात्याला होकार दिला. आता लवकरच शिवानी-अजिंक्य लग्नबंधनात अडकून आयुष्याच्या नव्या प्रवासाला सुरुवात करणार आहेत.