नऊवारी साडी, मराठमोळा साज अन्…; पूजा सावंतचं लग्नानंतर प्रदर्शित होणार पहिलं गाणं! टीझर प्रदर्शित

पूजाचा नवरा कामानिमित्त ऑस्ट्रेलियात असतो. त्यामुळे लग्नानंतर पूजा महिनाभर परदेशात होती. नवरा बाहेरगावी कामाला असल्याने अभिनेत्री पुन्हा मनोरंजन विश्वात काम करणार की नाही? ती संसार आणि काम कसं सांभाळणार याबद्दल तिला बऱ्याच मुलाखतींमध्ये प्रश्न विचारण्यात आले होते. यावर, पूजाने “मी माझं काम सांभाळून ऑस्ट्रेलियात येऊन जाऊन राहणार” असं सांगितलं होतं. अगदी त्याप्रमाणे आता लग्नानंतर अभिनेत्रीचा पहिला प्रोजेक्ट प्रेक्षकांच्या भेटीला येणार आहे.

हेही वाचा : विकी कौशलचे ‘तौबा तौबा’ गाणे पाहून नेटकऱ्यांना आली कतरिना कैफच्या ‘कमली’ डान्सची आठवण; म्हणाले, “तुला तर चांगली शिक्षिका…”

पूजा ‘नाच गो बया’ या गाण्याच्या माध्यमातून प्रेक्षकांच्या भेटीला येणार आहे. या गाण्याचा टीझर नुकताच प्रदर्शित झाला. अभिनेत्री लिहिते, “आमच्या नवीन गाण्याचा टीझर आलेला आहे, ‘नाच गो बया’ हे गाणं येत आहे येत्या ५ जुलै रोजी सकाळी ११ वाजता” या गाण्यात पूजाबरोबर आयुष संजीव, निक शिंदे, अक्षया नाईक, आकांक्षा गाडे आणि तश्वी भोईर हे कलाकार झळकणार आहेत.

पूजा सावंत प्रमुख भूमिकेत झळकणाऱ्या या ‘नाच गो बया’ गाण्याचं दिग्दर्शन प्रशांत नाकतीने केलं आहे. तर हे गाणं लोकप्रिय गायक रोहित राऊत आणि मुग्धा कऱ्हाडे यांच्या आवाजात संगीतबद्ध केलं जाणार आहे. सध्या सर्वत्र या गाण्याबद्दल उत्सुकता निर्माण झाली आहे.

हेही वाचा : दागिने, किराणा सामान अन् ‘इतक्या’ लाखांचा चेक…; अंबानी कुटुंबाने सामूहिक विवाह सोहळ्यात ५० गरीब जोडप्यांना काय-काय दिलं? जाणून घ्या…

हेही वाचा : ‘भाग्य दिले तू मला’ फेम अभिनेत्रीच्या घरी चोरी, लंपास केल्या मौल्यवान वस्तू; म्हणाली, “माझ्या आईला अर्धांगवायूचा झटका…”

दरम्यान, पूजा सावंत लग्नाआधी ‘मुसाफिरा’ चित्रपटात झळकली होती. या चित्रपटात पुष्कर जोग, दिशा परदेशी, पुष्कराज यांच्या प्रमुख भूमिका होत्या. यानंतर अभिनेत्री २८ फेब्रुवारी २०२४ रोजी लग्नबंधनात अडकली. लग्नानंतर अभिनेत्री ऑस्ट्रेलियाला गेली होती. यानंतर भारतात परतल्यावर पूजाने पुन्हा एकदा कामाला सुरुवात केली आहे.