“देवदत्त नागे वैयक्तिक आयुष्यात माझा भाचा आहे आणि मी त्याची मावशी…” प्रसिद्ध मराठी अभिनेत्रीचा खुलासा; पोस्ट चर्चेत

आज नागराजने ‘आदिपुरुष’ या चित्रपटातील त्याचं पोस्टर शेअर केल्यावर त्याचे चाहते, मनोरंजन सृष्टीतील त्याचे मित्रमंडळींनी त्याच्याबद्दल आनंद व्यक्त करत आहेत. मराठी सिनेसृष्टीत गेली अनेक वर्ष काम करत उत्तमोत्तम भूमिका साकारणारी चतुरस्त्र अभिनेत्री वीणा जामकर हिने देवदत्तसाठी खास पोस्ट लिहिली. तर या पोस्टमधून देवदत्त तिचा भाचा असल्याचा खुलासा तिने केला सांगितलं.

आणखी वाचा : “मस्जिदचा मौलवी वाटतोय…”; देवदत्त नागेच्या ‘आदिपुरुष’मधील लूकवर टीका करणाऱ्याला प्रसिद्ध मराठी अभिनेता सडेतोड उत्तर देत म्हणाला, “काही चुकीचे…”

वीणाने ‘आदिपुरुष’ या चित्रपटातील देवदत्तचं पोस्टर शेअर करत लिहीलं, “आज मला एक बात सांगायची आहे… हा हनुमान, अ‍ॅक्टर देवदत्त नागे माझा वैयक्तिक आयुष्यात भाचा आहे आणि मी त्याची मावशी..पण त्याला मी पहिल्यांदा भेटले होते ‘जय मल्हार’ च्या सेटवर.. कुठल्या ना कुठल्या कौटुंबिक कारणामुळे आम्ही जन्मापासून आजपर्यंत फार भेटलोच नाही. अतिशय मेहनत, जिद्द आणि त्याच्या शरीरयष्टीसारखीच बलदंड इच्छाशक्ती.. ह्यांच्या जोरावर देवदत्त यशाची शिखरं चढतो आहे आणि चढतच राहिल…! त्याचा खूप अभिमान वाटतो.”

हेही वाचा : Video: अजय देवगणमुळे ‘तान्हाजी’ १३० कोटी लोकांपर्यंत पोहोचणार- देवदत्त नागे

पुढे तिने लिहीलं, “तो फक्त अ‍ॅक्टर म्हणून नाही तर एक अतिशय नम्र, हुशार असा कुटुंबातला एक सदस्य म्हणून सुद्धा! मी एकतरी मालिका करावी म्हणून मला सतत motivate करत राहिला आणि तिथेच न थांबता आता तो माझा mentor आहे! मला काहीही अडचण आली की ‘देवा’ माझ्या मदतीला हजर असतो.. माझा इतका छान भाचा मला माझ्या लहानपणीच भेटायला हवा होता…म्हणजे लुटूपुटूची ‘मावशी – भाच्याची’ जोडी गणपतीत खूप खेळली असती…असो. आज सकाळी हनुमान जयंतीच्या इतक्या सुंदर, अद्भुत शुभेच्छा मिळाल्या…! काय अप्रतिम पोस्टर आहे!!! अजून कोण बनू शकला असता ‘ हनुमान ‘?? बालम ( त्याचं घरातलं नाव) We are so so proud of you!!!! तुझ्या जिद्दीला सलाम तुझी सगळी सगळी स्वप्न पूर्ण होवोत अशी मन:पूर्वक प्रार्थना…आदिपुरुषसाठी खूप साऱ्या शुभेच्छा!!” आता तिची ही पोस्ट सोशल मीडियावर खूप चर्चेत आली असून नेटकरी त्यांच्या नात्याबद्दल कळल्यावर आश्चर्य व्यक्त करताना दिसत आहेत.