मराठी चित्रपटसृष्टीतील एक नावाजलेले नावं म्हणून अभिनेता आदिनाथ कोठारेला ओळखले जाते. आदिनाथने आतापर्यंत अनेक सुपरहिट चित्रपटांमध्ये काम केलं आहे. मराठीबरोबर बॉलीवूड चित्रपटांमध्येही आदिनाथने आपल्या अभिनयाचा ठसा उमटवला आहे. महाविद्यालयीन काळात आदिनाथने पहिल्यांदा दारू प्यायली होती आणि महेश कोठारेंना हे काळालं होतं. नुकतंच एका मुलाखतीत आदिनाथने त्याबाबतचा एक किस्सा सांगितला आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
आदिनाथ म्हणाला, “अलिबागमध्ये आमच्या कॉलेजची सहल गेली होती. दिवसभर फिरून झाल्यानंतर संध्याकाळी आम्ही घराकडे चाललो होतो. मी आणि माझे तीन मित्र आम्ही दारु प्यायचो नाहीत पण त्याबाबत एक कुतुहूल होते. अलिबागला आम्ही ठरवलं की आपण वाईन शॉपमधून दारु घेऊत. मागे आमचे प्रोफेसर होते. म्हणून आम्ही मुद्दाम हळूहळू चालत होतो. म्हणजे सगळे पुढे जातील आणि आपण मागून दारु आणू शकू. पण आमचा प्रोफेसर हुशार होते. ते आमच्या मागेच उभा होता आणि आम्हाला पुढे जायला सांगत होते “
आदिनाथ पुढे म्हणाला, “मी पटापट चालत पुढे गेलो. पुढे जाऊन मी एका माणसाला विचारलं बीच कुठं आहे? आणि वाईन शॉप कुठं आहे? तो विचार करत होता. तोपर्यंत हे मागचे लोक माझ्या जवळ आले होते. आणि तेवढ्यात तो ओरडला बीच इधर है वाईन शॉप उधर है. प्रोफेसर आणि सगळे माझ्याकडे बघत होते. मी गप्प मान फिरवून पुढे निघून गेलो. पण कसंतरी करून आम्ही बिअरची बाटली मिळवली. रात्री सगळे झोपल्यावर आम्ही बसमध्ये आलो आणि दोन दोन बिअरचे घोट घेतले आणि आम्ही निघालो. पण आम्हाला हे माहिती नव्हत बसमध्ये मागच्या बाजूला आमचे एक प्रोफेसर झोपले होते. हे प्रकरण कॉलेजमध्ये पोहोचलं.
हेही वाचा- अभिनय क्षेत्र गाजवणाऱ्या सई ताम्हणकरने युट्यूब चॅनेल का सुरु केलं?, म्हणाली…
“आम्हाला वाटलं आता आम्हाला काढून टाकतील. त्यांनी माझ्या वडिलांना कॉलेजमध्ये बोलवून घेतलं. पण मी अगोदरच त्यांना सगळं सांगितलं होतं. माझे वडील कॉलेजमध्ये आले आणि आमच्या प्रोफेसरांनी त्यांच्याकडे तक्रार केली. माझे वडील म्हणाले मला माहिती आहे त्याने बिअर घेतली आहे. यापुढे मी त्याला समजावून सांगेन.”
दरम्यान आदिनाथ कोठारेच्या वर्कफ्रंटबाबत बोलायचं झालं तर त्याने अभिनय, दिग्दर्शन आणि निर्माता अशा वेगवेगळ्या क्षेत्रात काम केले आहे. फक्त मराठी मालिका आणि चित्रपट नव्हे तर बॉलीवूड चित्रपटातही तो झळकला. कबीर खान दिग्दर्शित ‘८३’ या चित्रपटात तो झळकला. या चित्रपटात त्याने क्रिकेटर दिलीप वेंगसरकर यांची भूमिका साकारली होती. तसेच ‘पाणी’ हा आदिनाथ कोठारेने दिग्दर्शन केलेला पहिलाच चित्रपट होता. या चित्रपटाला राष्ट्रीय- आंतरराष्ट्रीय स्तरावर अनेक पुरस्कार मिळाले होते. या चित्रपटात त्याने मुख्य भूमिका साकारली होती. त्याबरोबरच त्याने या चित्रपटाचे दिग्दर्शनही केले होते.
आदिनाथ म्हणाला, “अलिबागमध्ये आमच्या कॉलेजची सहल गेली होती. दिवसभर फिरून झाल्यानंतर संध्याकाळी आम्ही घराकडे चाललो होतो. मी आणि माझे तीन मित्र आम्ही दारु प्यायचो नाहीत पण त्याबाबत एक कुतुहूल होते. अलिबागला आम्ही ठरवलं की आपण वाईन शॉपमधून दारु घेऊत. मागे आमचे प्रोफेसर होते. म्हणून आम्ही मुद्दाम हळूहळू चालत होतो. म्हणजे सगळे पुढे जातील आणि आपण मागून दारु आणू शकू. पण आमचा प्रोफेसर हुशार होते. ते आमच्या मागेच उभा होता आणि आम्हाला पुढे जायला सांगत होते “
आदिनाथ पुढे म्हणाला, “मी पटापट चालत पुढे गेलो. पुढे जाऊन मी एका माणसाला विचारलं बीच कुठं आहे? आणि वाईन शॉप कुठं आहे? तो विचार करत होता. तोपर्यंत हे मागचे लोक माझ्या जवळ आले होते. आणि तेवढ्यात तो ओरडला बीच इधर है वाईन शॉप उधर है. प्रोफेसर आणि सगळे माझ्याकडे बघत होते. मी गप्प मान फिरवून पुढे निघून गेलो. पण कसंतरी करून आम्ही बिअरची बाटली मिळवली. रात्री सगळे झोपल्यावर आम्ही बसमध्ये आलो आणि दोन दोन बिअरचे घोट घेतले आणि आम्ही निघालो. पण आम्हाला हे माहिती नव्हत बसमध्ये मागच्या बाजूला आमचे एक प्रोफेसर झोपले होते. हे प्रकरण कॉलेजमध्ये पोहोचलं.
हेही वाचा- अभिनय क्षेत्र गाजवणाऱ्या सई ताम्हणकरने युट्यूब चॅनेल का सुरु केलं?, म्हणाली…
“आम्हाला वाटलं आता आम्हाला काढून टाकतील. त्यांनी माझ्या वडिलांना कॉलेजमध्ये बोलवून घेतलं. पण मी अगोदरच त्यांना सगळं सांगितलं होतं. माझे वडील कॉलेजमध्ये आले आणि आमच्या प्रोफेसरांनी त्यांच्याकडे तक्रार केली. माझे वडील म्हणाले मला माहिती आहे त्याने बिअर घेतली आहे. यापुढे मी त्याला समजावून सांगेन.”
दरम्यान आदिनाथ कोठारेच्या वर्कफ्रंटबाबत बोलायचं झालं तर त्याने अभिनय, दिग्दर्शन आणि निर्माता अशा वेगवेगळ्या क्षेत्रात काम केले आहे. फक्त मराठी मालिका आणि चित्रपट नव्हे तर बॉलीवूड चित्रपटातही तो झळकला. कबीर खान दिग्दर्शित ‘८३’ या चित्रपटात तो झळकला. या चित्रपटात त्याने क्रिकेटर दिलीप वेंगसरकर यांची भूमिका साकारली होती. तसेच ‘पाणी’ हा आदिनाथ कोठारेने दिग्दर्शन केलेला पहिलाच चित्रपट होता. या चित्रपटाला राष्ट्रीय- आंतरराष्ट्रीय स्तरावर अनेक पुरस्कार मिळाले होते. या चित्रपटात त्याने मुख्य भूमिका साकारली होती. त्याबरोबरच त्याने या चित्रपटाचे दिग्दर्शनही केले होते.
