‘टाइमपास’, ‘घरत गणपती’, ‘रे राया’, ‘ती आणि इतर’, ‘कॉफी आणि बरंच काही’, ‘आम्ही दोघी’, अशा चित्रपटांतून अभिनेता भूषण प्रधान(Bhushan Pradhan)ने प्रेक्षकांचे मनोरंजन केले आहे. नुकताच तो ‘जुनं फर्निचर’, ‘घरत गणपती’ या चित्रपटांतून प्रेक्षकांच्या भेटीला आला होता. या चित्रपटांतील त्याच्या भूमिकांचे व त्याच्या अभिनयाचे मोठे कौतुक झाल्याचे पाहायला मिळाले. आता एका मुलाखतीत मराठी चित्रपटसृष्टीमधील कलाकारांनी एकमेकांचा आदर केला पाहिजे, असे म्हटले आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
काय म्हणाला भूषण प्रधान?
भूषण प्रधानने नुकतीच ‘राजश्री मराठी’ला मुलाखत दिली. या मुलाखतीत बोलताना त्याने म्हटले, “हिंदी इंडस्ट्रीमध्ये मराठी कलाकारांना खूप जास्त आदर दिला जातो. जेव्हा तुम्ही हिंदी इंडस्ट्रीमध्ये जाता, मराठी इंडस्ट्रीमधील व्यक्ती म्हटलं की, एक काळ असा होता की, तेव्हा थोडंसं कमी लेखलं जायचं; ते आता नाहीये. एक वेगळा आदर असतो. पण, तेच आपण अजूनही तो आदर देणं शिकतोय, शिकलो नाहीये. कलाकार म्हणून आपण एकमेकांचा आदर करणं शिकलो नाही. आपण अभिमानाने सांगतो की, मराठी माणसं पाय खेचतात. हे कधी बदलणार? कळतंय; पण वळत का नाहीये? साध्यात साधं एकंदरीत कळलं की, कोणी नवीन चित्रपट करतंय. ‘जुनं फर्निचर’, ‘घरत गणपती’बाबतीत तेच झालं. महेशसरांना विचारलं की, या चित्रपटात मुलाची भूमिका कोण करतंय. तर भूषण करतोय, असं सरांनी सांगितल्यावर त्यांना हे म्हटलं हे जायचं की, त्याला कशाला घेतोय? हे इंडस्ट्रीमधल्या लोकांनी, ज्यांनी कामही केलं नाहीये, त्यांनी हे सांगितलंय.”
पुढे बोलताना त्याने म्हटले, “तुम्ही त्या कलाकाराला सांगितलं पाहिजे की, तू या भूमिकेसाठी अशी अशी तयारी कर. अशा प्रकारे आदर ठेवला जाऊ शकतो. एकमेकांचा आदर करून एकमेकांना मोठं करणं गरजेचं आहे. आपण आपल्या आपल्यामध्ये भांडलं नाही पाहिजे, याची जाणीव आपल्याला झाली पाहिजे. आपण दुसऱ्या इंडस्ट्रीबरोबर स्पर्धा करीत आहोत. आपल्या कुटुंबातील दोन भाऊ भांडत राहिले, तर त्याचा काही उपयोग नाही. दुसऱ्या कुटुंबापेक्षा मोठं व्हायचं आहे, तर एकमेकांना मोठं करणं गरजेचं आहे.”
महेश मांजरेकर यांच्याबरोबर काम करण्याचा अनुभव सांगताना भूषण प्रधानने कृतज्ञता व्यक्त केली. महेशसरांनी मुलाच्या भूमिकेसाठी मला निवडणं ही मोठी गोष्ट आहे. त्यांच्याकडे कितीतरी पर्याय असतील. त्यामुळे ‘जुनं फर्निचर’ व ‘घरत गणपती’ या दोन्ही चित्रपटांत मी दोन्ही पात्रं जगलो. दोन्ही चित्रपटांच्या दिग्दर्शकांचं ध्येय खूप स्पष्ट होतं. या चित्रपटांत काम करण्याचा अनुभव समृद्ध करणारा होता. स्वत:मधला कोणताही कमकुवतपणा पाहिला, स्वीकारला आणि त्यामध्ये सुधारणा केल्या, तर आपण स्वत:मध्ये बदल करू शकतो, असे म्हणत भूषणने त्याच्या भावना व्यक्त केल्या आहेत.
आता भूषण प्रधान कोणत्या नवीन चित्रपटांतून प्रेक्षकांच्या भेटीला येणार, हे पाहणे महत्त्वाचे आहे.
काय म्हणाला भूषण प्रधान?
भूषण प्रधानने नुकतीच ‘राजश्री मराठी’ला मुलाखत दिली. या मुलाखतीत बोलताना त्याने म्हटले, “हिंदी इंडस्ट्रीमध्ये मराठी कलाकारांना खूप जास्त आदर दिला जातो. जेव्हा तुम्ही हिंदी इंडस्ट्रीमध्ये जाता, मराठी इंडस्ट्रीमधील व्यक्ती म्हटलं की, एक काळ असा होता की, तेव्हा थोडंसं कमी लेखलं जायचं; ते आता नाहीये. एक वेगळा आदर असतो. पण, तेच आपण अजूनही तो आदर देणं शिकतोय, शिकलो नाहीये. कलाकार म्हणून आपण एकमेकांचा आदर करणं शिकलो नाही. आपण अभिमानाने सांगतो की, मराठी माणसं पाय खेचतात. हे कधी बदलणार? कळतंय; पण वळत का नाहीये? साध्यात साधं एकंदरीत कळलं की, कोणी नवीन चित्रपट करतंय. ‘जुनं फर्निचर’, ‘घरत गणपती’बाबतीत तेच झालं. महेशसरांना विचारलं की, या चित्रपटात मुलाची भूमिका कोण करतंय. तर भूषण करतोय, असं सरांनी सांगितल्यावर त्यांना हे म्हटलं हे जायचं की, त्याला कशाला घेतोय? हे इंडस्ट्रीमधल्या लोकांनी, ज्यांनी कामही केलं नाहीये, त्यांनी हे सांगितलंय.”
पुढे बोलताना त्याने म्हटले, “तुम्ही त्या कलाकाराला सांगितलं पाहिजे की, तू या भूमिकेसाठी अशी अशी तयारी कर. अशा प्रकारे आदर ठेवला जाऊ शकतो. एकमेकांचा आदर करून एकमेकांना मोठं करणं गरजेचं आहे. आपण आपल्या आपल्यामध्ये भांडलं नाही पाहिजे, याची जाणीव आपल्याला झाली पाहिजे. आपण दुसऱ्या इंडस्ट्रीबरोबर स्पर्धा करीत आहोत. आपल्या कुटुंबातील दोन भाऊ भांडत राहिले, तर त्याचा काही उपयोग नाही. दुसऱ्या कुटुंबापेक्षा मोठं व्हायचं आहे, तर एकमेकांना मोठं करणं गरजेचं आहे.”
महेश मांजरेकर यांच्याबरोबर काम करण्याचा अनुभव सांगताना भूषण प्रधानने कृतज्ञता व्यक्त केली. महेशसरांनी मुलाच्या भूमिकेसाठी मला निवडणं ही मोठी गोष्ट आहे. त्यांच्याकडे कितीतरी पर्याय असतील. त्यामुळे ‘जुनं फर्निचर’ व ‘घरत गणपती’ या दोन्ही चित्रपटांत मी दोन्ही पात्रं जगलो. दोन्ही चित्रपटांच्या दिग्दर्शकांचं ध्येय खूप स्पष्ट होतं. या चित्रपटांत काम करण्याचा अनुभव समृद्ध करणारा होता. स्वत:मधला कोणताही कमकुवतपणा पाहिला, स्वीकारला आणि त्यामध्ये सुधारणा केल्या, तर आपण स्वत:मध्ये बदल करू शकतो, असे म्हणत भूषणने त्याच्या भावना व्यक्त केल्या आहेत.
आता भूषण प्रधान कोणत्या नवीन चित्रपटांतून प्रेक्षकांच्या भेटीला येणार, हे पाहणे महत्त्वाचे आहे.
