मराठी मनोरंजनविश्वातील अनेक कलाकार सध्या अभिनयक्षेत्राबरोबरच वैयक्तिक आयुष्यात उंच भरारी घेत असल्याचं पाहायला मिळत आहे. गेल्या काही दिवसांमध्ये अश्विनी महांगडे, पृथ्वीक प्रताप, अक्षय केळकर, गिरीजा प्रभू, ऋतुजा बागवे, प्रसाद ओक अशा लोकप्रिय कलाकारांनी नवीन घर घेत चाहत्यांना आनंदाची बातमी दिली होती. आता या यादीत आणखी एका लोकप्रिय अभिनेत्याचं नाव जोडलं गेलं आहे.
मराठी सिनेसृष्टीतील लोकप्रिय व सध्या ‘धर्मवीर’ चित्रपटामुळे चर्चेत असलेले अभिनेते-निर्माते मंगेश देसाई यांनी गणेश जयंतीच्या मुहूर्तावर नव्या घरात प्रवेश केला आहे. नव्या घराची पहिली झलक त्यांनी इन्स्टाग्रामवर शेअर केली आहे. अभिनेत्याच्या घरी अत्यंत थाटामाटात गृहप्रवेशाचा कार्यक्रम पार पडला.
हेही वाचा : तरुणाकडून श्वानाला बेदम मारहाण; व्हायरल व्हिडीओ पाहून रितेश देशमुख संतापला; म्हणाला, “याला तुरुंगात…”
मंगेश देसाई व त्यांच्या कुटुंबीयांनी गृहप्रवेशाच्या कार्यक्रमाला खास पारंपरिक लूक केला होता. यावेळी फुलांच्या सुंदर अशा सजावटीने आणि दारावरच्या हटके नेमप्लेटने सर्वांचं लक्ष वेधून घेतलं. अभिनेत्याच्या नव्या घराच्या दारावर ‘मंगेश शलाका साहील देसाई’ अशी नेमप्लेट लावण्यात आली आहे. अभिनेत्याच्या नव्या घराची ही सुंदर नेमप्लेट पाहून सध्या नेटकऱ्यांकडून मंगेश देसाईंवर कौतुकाचा वर्षाव करण्यात येत आहे. नेमप्लेटमध्ये कुटुंबातील प्रत्येकाचं नाव जोडल्यामुळे या पाटीची सर्वत्र विशेष चर्चा होत आहे.
हेही वाचा : “मी तिच्या खोलीजवळ तीन…”, अभिनेत्री मल्लिका राजपूतच्या निधनाबद्दल आईची प्रतिक्रिया; म्हणाली, “खिडकीतून…”
दरम्यान, गृहप्रवेशाचा व्हिडीओ शेअर करत मंगेश देसाई यांनी त्या व्हिडीओला “आज मी प्रचंड आनंदी आहे तुम्ही सुद्धा माझ्यासाठी आनंदी आहात ना?” असं कॅप्शन दिलं आहे. याशिवाय अभिनेत्याच्या कामाबद्दल सांगायचं झालं, तर ‘धर्मवीर २’ या चित्रपटाच्या माध्यमातून ते पुन्हा एकदा निर्मितीची धुरा सांभाळत आहेत.
