“बच्चन साहेबांनी लपून मॅच पाहिली,” फायनलमध्ये भारताच्या पराभवानंतर मराठी अभिनेत्याची पोस्ट

विश्वचषक स्पर्धा २०२३ च्या उपांत्य फेरीतल्या पहिल्या सामन्यात भारत आणि न्यूझीलंड भिडले होते. या सामन्यात भारताने ७० धावांनी न्यूझीलंडचा पराभव करत अंतिम सामन्यात प्रवेश केला होता. त्यानंतर अमिताभ बच्चन यांनी एक्सवर पोस्ट करत “जेव्हा मी सामना पाहत नाही, तेव्हा आपण जिंकतो,” असं म्हटलं होतं. त्याबद्दलच गश्मीरने पोस्ट केली आहे.

“बच्चन साहेबांनी लपून मॅच पाहिली,” अशी गमतीशीर स्टोरी गश्मीर महाजनीने इन्स्टाग्रामवर पोस्ट केली आहे. यासोबत त्याने दोन इमोजीदेखील पोस्ट केले आहेत.

गश्मीरने तीन तासांपूर्वी लेक व्योमचा एक फोटो शेअर करत ‘गो इंडिया गो’ अशी स्टोरी टाकली होती. यंदाच्या विश्वचषक स्पर्धेत सर्व सामने जिंकून भारताने फायनलमध्ये प्रवेश केला होता. पण ऑस्ट्रेलियाच्या संघाने २४१ धावांचं आव्हान ४ गडी गमावून पूर्ण केलं आणि भारताला अंतिम सामन्यात पराभव पत्करावा लागला.