जिनिलीया आणि रितेश देशमुख यांच्याकडे कलाविश्वातील आदर्श जोडी म्हणून पाहिलं जातं. २००२ पासून हे दोघंही एकमेकांना डेट करत आहेत. १० वर्षांच्या डेटिंगनंतर रितेश-जिनिलीयाने २०१२ मध्ये लग्नगाठ बांधली. आता या जोडप्याला रियान आणि राहील अशी दोन मुलं आहेत. दोघेही सोशल मीडियावर कायम सक्रिय असतात. जिनिलीयाच्या इन्स्टाग्राम पोस्ट, रील्स व्हिडीओ चाहत्यांचं विशेष लक्ष वेधून घेतात. सध्या या जोडप्याने शेअर केलेला असाच एक फोटो आणि त्याला दिलेलं कॅप्शन चर्चेत आलं आहे.
फेब्रुवारी महिन्यातील १४ तारीख हा दिवस प्रेमदिन अर्थात व्हॅलेंटाईन डे म्हणून साजरा केला होता. सामान्य नागरिकांपासून ते बॉलीवूड सेलिब्रिटींपर्यंत हा दिवस मोठ्या प्रेमाने आणि उत्साहाने साजरा केला जातो. परंतु, रितेश-जिनिलीया इतर जोडप्यांप्रमाणे १४ फेब्रुवारीला व्हॅलेंटाईन डे साजरा करत नाहीत. या दोघांचा व्हॅलेंटाईन डे १२ फेब्रुवारीला असतो. अभिनेत्रीने नुकत्याच शेअर केलेल्या स्टोरीमध्ये याबाबत खुलासा केला आहे.
हेही वाचा : “श्रेयसची चौकशी करण्यासाठी अक्षय कुमारने रात्रभर…”, दीप्ती तळपदेने केला खुलासा; म्हणाली, “त्या काळात…”
जिनिलीया पती रितेशबरोबरचा फोटो शेअर करत लिहिते, “हा ( १२ फेब्रुवारी) आपला दिवस आहे. दरवर्षी आपण व्हॅलेंटाईन डे दोन दिवस आधी साजरा करतो.” बायकोची स्टोरी रिशेअर करत अभिनेता म्हणतो, “जिनिलीया तुझ्याबरोबर आयुष्य खूप सुंदर आहे…आपल्या प्रेमाची २२ वर्षे”
रितेश-जिनिलीयाची पहिली भेट ‘तुझे मेरी कसम’ या चित्रपटाच्या शूटिंगदरम्यान झाली होती. १२ फेब्रुवारी २००२ रोजी त्यांच्या रिलेशनशिपला सुरुवात झाल्याचं त्यांनी अनेक मुलाखतींमध्ये सांगितलं आहे. त्यामुळे ही लोकप्रिय जोडी १४ ऐवजी १२ तारखेला व्हॅलेंटाईन डे साजरा करते.
हेही वाचा : शशांक केतकरला मिळाली मोठी संधी! करण जोहरच्या सीरिजमध्ये साकारणार भूमिका; म्हणाला, “त्यांच्या ऑफिसमध्ये…”
दरम्यान, दोघांच्या कामाबद्दल सांगायचं झालं, तर रितेश लवकरच ‘रेड २’ आणि ‘हाऊलफुल्ल ५’ या दोन बहुप्रतिक्षीत चित्रपटांमध्ये झळकणार आहे. याशिवाय जिनिलीया आमिर खानच्या ‘सितारे जमीन पर’मध्ये प्रमुख भूमिका साकारणार आहे.
फेब्रुवारी महिन्यातील १४ तारीख हा दिवस प्रेमदिन अर्थात व्हॅलेंटाईन डे म्हणून साजरा केला होता. सामान्य नागरिकांपासून ते बॉलीवूड सेलिब्रिटींपर्यंत हा दिवस मोठ्या प्रेमाने आणि उत्साहाने साजरा केला जातो. परंतु, रितेश-जिनिलीया इतर जोडप्यांप्रमाणे १४ फेब्रुवारीला व्हॅलेंटाईन डे साजरा करत नाहीत. या दोघांचा व्हॅलेंटाईन डे १२ फेब्रुवारीला असतो. अभिनेत्रीने नुकत्याच शेअर केलेल्या स्टोरीमध्ये याबाबत खुलासा केला आहे.
हेही वाचा : “श्रेयसची चौकशी करण्यासाठी अक्षय कुमारने रात्रभर…”, दीप्ती तळपदेने केला खुलासा; म्हणाली, “त्या काळात…”
जिनिलीया पती रितेशबरोबरचा फोटो शेअर करत लिहिते, “हा ( १२ फेब्रुवारी) आपला दिवस आहे. दरवर्षी आपण व्हॅलेंटाईन डे दोन दिवस आधी साजरा करतो.” बायकोची स्टोरी रिशेअर करत अभिनेता म्हणतो, “जिनिलीया तुझ्याबरोबर आयुष्य खूप सुंदर आहे…आपल्या प्रेमाची २२ वर्षे”
रितेश-जिनिलीयाची पहिली भेट ‘तुझे मेरी कसम’ या चित्रपटाच्या शूटिंगदरम्यान झाली होती. १२ फेब्रुवारी २००२ रोजी त्यांच्या रिलेशनशिपला सुरुवात झाल्याचं त्यांनी अनेक मुलाखतींमध्ये सांगितलं आहे. त्यामुळे ही लोकप्रिय जोडी १४ ऐवजी १२ तारखेला व्हॅलेंटाईन डे साजरा करते.
हेही वाचा : शशांक केतकरला मिळाली मोठी संधी! करण जोहरच्या सीरिजमध्ये साकारणार भूमिका; म्हणाला, “त्यांच्या ऑफिसमध्ये…”
दरम्यान, दोघांच्या कामाबद्दल सांगायचं झालं, तर रितेश लवकरच ‘रेड २’ आणि ‘हाऊलफुल्ल ५’ या दोन बहुप्रतिक्षीत चित्रपटांमध्ये झळकणार आहे. याशिवाय जिनिलीया आमिर खानच्या ‘सितारे जमीन पर’मध्ये प्रमुख भूमिका साकारणार आहे.
