Hemal Ingle Bride To Be Party : मराठी कलाविश्वात गेल्या वर्षात अनेक अभिनेत्रींनी लग्नगाठ बांधली. शिवानी सुर्वे, तितीक्षा तावडे, पूजा सावंत अशा अनेक अभिनेत्रींनी लग्नगाठ बांधल्यानंतर आता ‘नवरा माझा नवसाचा २’ फेम अभिनेत्री हेमल इंगळेही लवकरच लग्नगाठ बांधणार आहे. हेमलचा याच वर्षी ऑगस्ट महिन्यात साखरपुडा झाला होता. आपला बॉयफ्रेंड रोनक बरोबर ती विवाहबंधनात अडकणार आहे. नुकतंच हेमलने तिच्या bride to be पार्टीचा एक व्हिडीओ सोशल मीडियावर शेअर केला आहे.
हेमलने शेअर केलेल्या व्हिडीओमध्ये ती तिच्या मैत्रिणीसमवेत बसली असून एक केक कापताना दिसत आहे. हेमल जेव्हा केक कापते तेव्हा तिच्या मैत्रिणी ब्रायडल शॉवर टू यू अस म्हणत जल्लोष करताना दिसत आहेत. हेमलच्या मैत्रिणी तिच्या नावासह फियोन्से फियोन्से अस म्हणतात. यानंतर ती मिस हेमल नाही तर मिसेस हेमल होणार अस म्हणतात. यानंतर हेमल तिच्या मैत्रिणींनी केक भरवते.
हेही वाचा…लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार पडला विवाहसोहळा, फोटो आले समोर
हेमलने मानले मैत्रिणींचे आभार
हेमलने हा व्हिडीओ शेअर करताना एक कॅप्शन देत त्यात लिहिलं की, “या खोलीत माझ्या आयुष्यातील सर्व प्रेमळ लोक एकत्र आहेत. हे सर्व हे सगळं जुळवून आणल्याबद्दल तुमचे मनापासून आभार! माझ्यासाठी प्रत्येक क्षण अविस्मरणीय होता, आणि ही आठवण मी आयुष्यभर जपेन! पण आत्ता, तुम्हा सगळ्यांबरोबर केक कापतानाचा हा भन्नाट व्हिडीओ शेअर करायला मला खूप आवडेल. हा व्हिडीओ माझ्या मैत्रीचं सार मांडतो.”
ऑगस्ट महिन्यात झाला होता हेमलचा साखरपुडा
ऑगस्ट २०२४ मध्ये आपल्या होणाऱ्या नवऱ्याला ‘एक्स बॉयफ्रेंड’ म्हणत हेमलने (Hemal Ingle) इन्स्टाग्रामवर साखरपुड्याचा फोटो शेअर होता. होणाऱ्या नवऱ्याबरोबरचा रोमँटिक फोटो शेअर करत अभिनेत्रीने साखरपुड्याची आनंदाची बातमी चाहत्यांना दिली होती.
हेमलच्या ‘नवरा माझा नवसाचा २’ या सिनेमाने नुकतंच सिनेमागृहात ५० दिवस पूर्ण केले आहेत. या सिनेमात हेमलने स्वप्नील जोशी, सचिन पिळगावकर, सुप्रिया पिळगावकर आणि अशोक सराफ या दिग्गज कलाकारांबरोबर स्क्रीन शेअर केली आहे. या सिनेमाने बॉक्स ऑफिसवरही चांगली कमाई केली आहे. हेमलच ‘नवरा माझा नवसाचा २’ सिनेमातील कामामुळे कौतुक होत आहे.
