Marathi Actress Hemal Ingle : ‘अशी ही आशिकी’ या चित्रपटामुळे हेमल इंगळे घराघरांत लोकप्रिय झाली. सध्या अभिनेत्री तिच्या लग्नामुळे चर्चेत आहे. येत्या काही दिवसांतच ती लग्नबंधनात अडकणार आहे. यंदा ऑगस्ट महिन्यात हेमलचा साखरपुडा पार पडला होता. तिच्या होणाऱ्या नवऱ्याचं नाव रौनक चोरडिया असं आहे. अभिनेत्रीने साखरपुड्याचे फोटो शेअर केल्यावर तिच्या सगळ्याच चाहत्यांना सुखद धक्का बसला. रौनक नेमका कोण आहे, तो काय करतो? याबद्दल अनेकांना प्रश्न पडला होता. अखेर नुकत्याच ‘राजश्री मराठी’ला दिलेल्या मुलाखतीत अभिनेत्रीने याचा खुलासा केला आहे.
साडेसात वर्षांच्या रिलेशनशिपनंतर हेमल आणि रौनक लग्नगाठ बांधणार आहेत. त्यांच्या लव्हस्टोरीबद्दल सांगताना रौनक सुरुवातीला म्हणाला, “या सगळ्याची सुरुवात ऑगस्ट २०१७ मध्ये झाली होती. मी तेव्हा युकेला शिकायला होतो… २०१७ मध्ये त्या दरम्यान मी नुकताच भारतात परतलो होतो. हेमल आणि मी एकाच शाळेत होतो ( इयत्ता नववीपासून ) त्यामुळे भारतात आल्यावर सगळ्या मित्रांना भेटायचं ठरलं. आम्ही सगळे फ्रेंड्स एकमेकांना भेटलो त्यावेळी हेमल आणि माझं बोलणं झालं होतं.”
हेमल याबद्दल म्हणाली, “आमचा शाळेचा १३ लोकांचा ग्रुप आहे. आम्ही एकत्र खूप फिरलो वगैरे आहे. पण, आमचं असं बोलणं झालेलं नव्हतं. जेव्हा रौनक युकेवरून परत आला तेव्हाच आमच्यात बोलणं झालं.” रौनक चोरडिया मारवाडी असून तो मूळचा कोल्हापूरचा आहे.
हेमल पुढे म्हणाली, “रौनक युकेवरून आल्यावर आमच्यात बोलणं झालं, त्याआधी तो इतकं बोलत असेल हे मला माहिती सुद्धा नव्हतं. हळुहळू मग आमच्यात आणखी मैत्री होऊन डेटिंगची सुरुवात झाली.” आता जवळपास साडेसात वर्षांच्या रिलेशनशिपनंतर अभिनेत्री लग्नबंधनात अडकणार आहे. रौनक कोल्हापुरचा असल्याने दोघांचं लाँग डिस्टन्स रिलेशनशिप होतं. त्यामुळे या सगळ्या प्रवासात रौनकच्या पाठिंब्यामुळे अनेक गोष्टी सोयीच्या झाल्या असंही तिने सांगितलं.
दरम्यान, हेमल इंगळेच्या कामाबद्दल सांगायचं झालं, तर नुकतीच ‘नवरा माझा नवसाचा २’ या चित्रपटात झळकली होती. यामध्ये तिने सचिन व सुप्रिया पिळगांवकर यांच्या ऑनस्क्रीन मुलीच्या भूमिका साकारली होती. हा चित्रपट बॉक्स ऑफिसवर सुद्धा सुपरहिट ठरला. यामध्ये अभिनेत्रीने स्वप्नील जोशीसह स्क्रीन शेअर केली होती.
