‘झिम्मा’ चित्रपटाचा पहिला भाग २०२१ रोजी प्रेक्षकांच्या भेटीला आला होता. ‘झिम्मा’च्या यशानंतर प्रेक्षकांच्या मनात ‘झिम्मा २’ बद्दल प्रचंड उत्सुकता निर्माण झाली होती. काही दिवसांपूर्वी दिग्दर्शक हेमंत ढोमेने सात बायकांच्या पुढच्या ट्रिपची अर्थात ‘झिम्मा २’ ची घोषणा केली होती. अखेर हा चित्रपट येत्या २४ नोव्हेंबरला प्रदर्शित होणार आहे. ‘झिम्मा २’च्या निमित्ताने या चित्रपटाच्या टीमने ‘लोकसत्ता डिजिटल अड्डा’मध्ये सहभागी होऊन दिलखुलास गप्पा मारल्या.
‘झिम्मा २’ चित्रपटात शिवानी सुर्वे, सुहास जोशी, निर्मिती सावंत, सुचित्रा बांदेकर, क्षिती जोग, सायली संजीव, रिंकू राजगुरु आणि सिद्धार्थ चांदेकर यांच्या मुख्य भूमिका आहेत. शिवानी सुर्वे आणि रिंकू राजगुरू ‘झिम्मा’च्या पहिल्या भागात नव्हत्या. त्यामुळे ‘झिम्मा २’च्या निमित्ताने त्यांनी साकारलेल्या तानिया आणि मनाली या पात्रांशी प्रेक्षकांना नव्याने ओळख होणार आहे.
