जितेंद्र जोशीने चोरलेला ‘या’ दिग्गज बॉलीवूड अभिनेत्याचा फोटो; म्हणाला, “त्यानंतर जो मार खाल्ला…”

जितेंद्र जोशीने चोरलेला ‘या’ दिग्गज बॉलीवूड अभिनेत्याचा फोटो

जितेंद्र जोशीने नुकतीच अभिनेता श्रेयस तळपदेच्या यूट्यूब चॅनेलला मुलाखत दिली. मुलाखतीच्या सुरुवातीला श्रेयसने जितेंद्रला उद्देशून म्हटले, या मुलाखतीत आजपर्यंत तुझी जी बाजू आम्हाला कळलीच नाहीये, आपण त्याबद्दल बोलणार आहोत. यावर जितेंद्र जोशीने म्हटले, “अशा अनेक बाजू असतात, घरी आई-वडिलांनादेखील माहीत नसतात, त्या मित्रांना माहीत असतात.”

नक्की वाचा

मुंबईत ४५ व्या मजल्यावर आहे सईचं आलिशान घर! लेकीच्या घरी आली लाडकी आई; ‘द इलेव्हन्थ प्लेस’मध्ये रंगली दिवाळी पहाट

Nana Patole : निकालाआधी राजकीय घडामोडींना वेग; यातच…

छत्रपती शिवाजी महाराजांकडे गृहखातं, तर तुकोबा अर्थमंत्री…; संकर्षण कऱ्हाडेची राजकीय कवितेतून पांडुरंगाला साद, व्हिडीओ व्हायरल

…म्हणून मराठी अभिनेत्रींना हिंदीत दिलं जातं कामवाल्या बाईचं काम, तृप्ती खामकरने सांगितलं पडद्यामागचं सत्य

घटस्फोटानंतर पुन्हा रिलेशनशिपचा विचार केला नाहीस का? दीप्ती देवी म्हणाली, “मला परत स्वत:ला…”

महाराष्ट्राचा पुढचा मुख्यमंत्री कोण होईल? राज ठाकरेंनी थेट नावच सांगितलं; म्हणाले…

आर माधवनचं दुबईतील घर पाहिलंत का? मराठमोळ्या पत्नीबरोबर दिवाळीची पूजा, सरिताच्या मराठी लूकने वेधलं लक्ष

तुझ्याबाबतीत कुठली गोष्ट आहे? असे श्रेयसने विचारताच जितेंद्रने म्हटले, “आपण केलेली पहिली जी चोरी असते, अर्थात ते मी घरी सांगितलं नव्हतं पण कळलं. मी लहान असताना बच्चन साहेबांचा फोटो चोरला होता. मित्रांबरोबर पोहायला गेलो होतो. एका दुकानात ‘दिवार’ चित्रपटातील बच्चन साहेबांचा फोटो होता. मी विचारलं, किती रुपयाला आहे, तर त्यावेळेला तो एक रुपयाला होता. मित्र म्हणाला, काही नाही रे, बघत राहायचं, दुकानदाराचं लक्ष नसेल तर लगेच काढून घ्यायचा. तर तोपर्यंत कधी चोरी केली नव्हती. विचार केला की चांगली कल्पना आहे. तो माणूस दुसरीकडे बघत होता, मी लगेच तो फोटो काढला. त्या माणसाने बघितलं. तो म्हणाला, अरे काय करत आहेस? मी तो फोटो घेतला आणि पळालो, खूप पळालो घराच्या दिशेने. बघितलं तर तो माणूस कुठे दिसेना. घरी आलो आणि सांगितलं, नीलेश नावाच्या मित्राने दिला आहे. घरचे म्हटले अरे वाह, चांगला फोटो आहे.

हेही वाचा: Video: “गरबा संपला ताई…”, इरिनाचा ‘नगाडा संग ढोल’वरील डान्स पाहून नेटकऱ्याची प्रतिक्रिया, उत्तर देत म्हणाली, “हो मला…”

“घरी गरिबीच होती. वाड्याच्या वरच्या मजल्यावर मी दाखवायला गेलो की, बघा मला फोटो मिळाला. तितक्यात खाली मला जोरजोरात आवाज ऐकू यायला लागले. मला काय माहीत तो मला ओळखतो. वरून बघितलं तर मला दिसायला लागलं की आईची चप्पल, मामाचा बेल्ट आणि त्या माणसाने सांगितलं, त्यानंतर जो मार खाल्ला आहे मी; ती पहिली चोरी माझ्या आयुष्यातली. त्यानंतर मी तिथेच चोरी करण्याचं थांबवलं”, अशी आठवण जितेंद्र जोशीने सांगितली आहे.