रितेश देशमुख आणि जिनिलीया देशमुख यांनी सध्या प्रेक्षकांना वेड लावलं आहे. गेले अनेक दिवस त्यांचा ‘वेड’ हा चित्रपट प्रचंड चर्चेत आहे. अखेर ३० डिसेंबरला तो सर्वत्र प्रदर्शित झाला. पहिल्या दिवसापासूनच प्रेक्षकांनी या चित्रपटाला डोक्यावर घेतलेलं आहे. या चित्रपटाचे सर्वच शो सध्या हाऊसफुल असलेले पाहायला मिळत आहेत. प्रेक्षकांबरोबरच बॉलिवूड कलाकारांनाही भुरळ घालायला हा चित्रपट कमी पडला नाही. निर्माता करण जोहर याने आता एक पोस्ट लिहित रितेशचं कौतुक केलं आहे.
करणने नुकतंच इन्स्टाग्रामवर ‘वेड’ चित्रपटाचं एक पोस्टर शेअर केलं. हे पोस्टर शेअर करत त्याने रितेशसाठी एक मोठी पोस्ट लिहिली. त्याने लिहिल, “आम्ही गेले २० वर्ष एकमेकांचे मित्र आहोत. आम्ही ज्या क्षेत्रात काम करत आहोत त्यापलीकडे आमची मैत्री आहे. आमच्या पहिल्याच भेटीत मी त्याच्याशी जोडला गेलो. त्याचा चांगुलपणा, मोठं मन, त्याचा प्रेमळपणा हे त्याचं कारण. सर्वांना आवडेल असाच तो सुरुवातीपासून होता.”
आणखी वाचा : Video: ‘सैराट’ चित्रपटाचा विक्रम मोडणाऱ्या ‘वेड’ची आर्चीला भुरळ, रिंकू राजगुरूचा ‘तो’ व्हिडीओ व्हायरल
पुढे तो म्हणाला, “रितेश हा एक उत्कृष्ट अभिनेता आहे, पण त्याला थोडं कमी लेखलं गेलं. त्याला कायमच मराठी चित्रपटांसाठी खंबीरपणे उभं राहताना मी पाहिलेलं आहे आणि मराठी चित्रपटांबद्दल त्याला प्रचंड अभिमान आहे. आज त्याने हे सिद्ध केलं आहे की, तो फक्त उत्कृष्ट दिग्दर्शक आणि अभिनेताच नाही तर एक इतिहास रचणाऱ्या चित्रपटाचा दिग्दर्शक आहे. माझा उर अभिमानाने भरून आला आहे. रितेश आणि जिनिलीया यांच्या खऱ्या आयुष्यातही तसाच परिकथेसारखा रोमान्स आहे जो चित्रपटात सुंदरपणे दाखवण्यात आला आहे. लव्ह यू बोथ..”
हेही वाचा : अभिषेक बच्चनलाही रितेश-जिनिलीयाने लावलं ‘वेड’, म्हणाला, “तुम्ही दोघांनी…”
करणची ही पोस्ट सध्या सोशल मीडियावर चांगलीच चर्चेत आली आहे. त्याच्या या पोस्टवर कमेंट्स करत रितेशचं कौतुक करत आहेत. तसंच अनेकांनी या चित्रपटाचं कमेंट्स सेक्शनमध्येही कौतुक केलं आहे. ११ दिवसात या चित्रपटाने ३५ हून अधिक कोटींची कमाई केली. तसंच ५.७० कोटींचा गल्ला जमवत ‘एका दिवशी सर्वाधिक कमाई करणारा मराठी चित्रपट’ हा सैराटच्या नावे असलेला विक्रम ‘वेड’ने मोडला. तसंच हा रितेश देशमुखचा सर्वाधिक कमाई करणारा मराठी चित्रपट ठरला आहे.
करणने नुकतंच इन्स्टाग्रामवर ‘वेड’ चित्रपटाचं एक पोस्टर शेअर केलं. हे पोस्टर शेअर करत त्याने रितेशसाठी एक मोठी पोस्ट लिहिली. त्याने लिहिल, “आम्ही गेले २० वर्ष एकमेकांचे मित्र आहोत. आम्ही ज्या क्षेत्रात काम करत आहोत त्यापलीकडे आमची मैत्री आहे. आमच्या पहिल्याच भेटीत मी त्याच्याशी जोडला गेलो. त्याचा चांगुलपणा, मोठं मन, त्याचा प्रेमळपणा हे त्याचं कारण. सर्वांना आवडेल असाच तो सुरुवातीपासून होता.”
आणखी वाचा : Video: ‘सैराट’ चित्रपटाचा विक्रम मोडणाऱ्या ‘वेड’ची आर्चीला भुरळ, रिंकू राजगुरूचा ‘तो’ व्हिडीओ व्हायरल
पुढे तो म्हणाला, “रितेश हा एक उत्कृष्ट अभिनेता आहे, पण त्याला थोडं कमी लेखलं गेलं. त्याला कायमच मराठी चित्रपटांसाठी खंबीरपणे उभं राहताना मी पाहिलेलं आहे आणि मराठी चित्रपटांबद्दल त्याला प्रचंड अभिमान आहे. आज त्याने हे सिद्ध केलं आहे की, तो फक्त उत्कृष्ट दिग्दर्शक आणि अभिनेताच नाही तर एक इतिहास रचणाऱ्या चित्रपटाचा दिग्दर्शक आहे. माझा उर अभिमानाने भरून आला आहे. रितेश आणि जिनिलीया यांच्या खऱ्या आयुष्यातही तसाच परिकथेसारखा रोमान्स आहे जो चित्रपटात सुंदरपणे दाखवण्यात आला आहे. लव्ह यू बोथ..”
हेही वाचा : अभिषेक बच्चनलाही रितेश-जिनिलीयाने लावलं ‘वेड’, म्हणाला, “तुम्ही दोघांनी…”
करणची ही पोस्ट सध्या सोशल मीडियावर चांगलीच चर्चेत आली आहे. त्याच्या या पोस्टवर कमेंट्स करत रितेशचं कौतुक करत आहेत. तसंच अनेकांनी या चित्रपटाचं कमेंट्स सेक्शनमध्येही कौतुक केलं आहे. ११ दिवसात या चित्रपटाने ३५ हून अधिक कोटींची कमाई केली. तसंच ५.७० कोटींचा गल्ला जमवत ‘एका दिवशी सर्वाधिक कमाई करणारा मराठी चित्रपट’ हा सैराटच्या नावे असलेला विक्रम ‘वेड’ने मोडला. तसंच हा रितेश देशमुखचा सर्वाधिक कमाई करणारा मराठी चित्रपट ठरला आहे.
