‘महाराष्ट्र शाहीर’ चित्रपटाचे दिग्दर्शक केदार शिंदे यांच्या लग्नाचा आज वाढदिवस आहे. त्यांनी इन्स्टाग्रामवर एक फोटो शेअर करत पत्नी बेला शिंदेला लग्न वाढदिवसाच्या शुभेच्छा दिल्या आहे. या फोटोबरोबर त्यांनी सुंदर कॅप्शन लिहिलं आहे. केदार शिंदे यांच्या पोस्टवर त्यांना चाहते व मित्र-मैत्रिणींकडून लग्नाच्या वाढदिवसानिमित्त शुभेच्छा दिल्या जात आहेत.
“प्रिय बेला, गेली २७ वर्षे, माझ्या प्रत्येक वेडेपणात माझ्या पाठीशी उभी आहेस. हे मागचं दिड वर्ष तर मी झपाटल्यासारखा ‘महाराष्ट्र शाहीर’मध्ये गुंतलो, पण माझ्या कामात ढवळाढवळ न करता, तू मात्र प्रत्येक आव्हानांना तोंड दिलंस. आत्ता सगळीकडून उत्तम प्रतिसाद मिळत असतानाही शांत संयमी राहाण्याचा नेहमीप्रमाणे सल्ला दिलास. अजून खुप काही करायचं आहे. तुला सुखात ठेवायचं आहे. त्यामुळे आणखीन वेडेपणासाठी तयार राहा. लग्नाच्या वाढदिवसाच्या शुभेच्छा,” असं कॅप्शन लिहित केदार शिंदेंनी पत्नीला बेलाला शुभेच्छा दिल्या आहेत.
केदार शिंदेंच्या या पोस्टवर चाहत्यांनी त्यांना लग्नाच्या वाढदिवसाच्या शुभेच्छा दिल्या आहेत. केदार शिंदे व बेला शिंदे यांच्या लग्नाला २७ वर्षे पूर्ण झाली आहेत. त्यांना सना नावाची मुलगी असून ती ‘महाराष्ट्र शाहीर’ चित्रपटामध्ये झळकली होती.
