“‘बकरा’ गळाला लागलाय म्हणून…,” किरण मानेंनी केले आघाडीचे निर्माते, दिग्दर्शक व कलाकारांना लक्ष्य; पोस्ट चर्चेत

किरण माने यांनी नुकताच प्रदर्शित झालेला ‘तेंडल्या’ हा चित्रपट पाहिला. हा चित्रपट त्यांना खूप आवडला. हा चित्रपट पाहिल्यावर त्यांनी त्यांच्या सोशल मीडिया अकाउंटवर एक पोस्ट लिहिली. या पोस्टमध्ये त्यांनी लिहिलं, “सिनेमा अस्स्सा असतो भावा! नादखुळा!! मराठी सिनेमाला ‘फॅंड्री’नं ज्या उंचीवर नेऊन ठेवलंवतं, तिथून आणखी सात मजले वर नेऊन ठेवलाय तो ‘तेंडल्या’नं. मी हे विधान अतिशय जबाबदारीनं करतोय. सचिन जाधव-नचिकेत वाईकर ही दिग्दर्शक जोडी येत्या काळात मराठी सिनेमाला ‘सोन्याचे दिस’ दाखवण्याची ताकद असणारी आहे, यात शंका नाही. लै दिवस मी एका प्रश्नावर मनापास्नं विचार करत होतो. मोठमोठ्या नाववाल्या दिग्दर्शकांशी यावर वादबी घातलाय : ‘उत्तम आणि लोकप्रिय मराठी सिनेमा बनवायला काय लागतं?”

आणखी वाचा

Video : लाडकी लेक कडेवर अन् अंबानींच्या नातीला पाहताच रणबीरने दिली ‘अशी’ प्रतिक्रिया…; व्हिडीओवर कमेंट्सचा पाऊस

Nana Patole : निकालाआधी राजकीय घडामोडींना वेग; यातच…

Video : छोट्या चाहत्यासाठी रस्त्यात थांबला सोनू निगम, टॅलेंटचं कौतुक केलं अन्…; त्याच्या ‘या’ कृतीचं नेटकऱ्यांनी केलं कौतुक

Video : शूटिंगमध्ये फावला वेळ मिळताच जुई गडकरी काय करते? स्वत: व्हिडीओ पोस्ट करत दिली माहिती

दिवंगत अभिनेत्री श्रीदेवी यांचं कौतुक करत विद्या बालनने व्यक्त केली इच्छा; म्हणाली, “मला त्यांना…”

“चॅनेलने किरणला ४ वेळा वॉर्निंग दिली, मग काढलं” मालिकेच्या सेटवर नेमकं काय घडलं? सविता मालपेकरांनी स्पष्टच सांगितलं…

“मी अभिषेक बच्चनशी…”, ‘ऐश्वर्या राय बच्चन’ अशी ओळख करून दिल्यावर अभिनेत्रीने केलेलं वक्तव्य

आणखी वाचा : “‘TDM’ला शोज मिळत नाहीत आणि ‘महाराष्ट्र शाहीर’ला…,” किरण मानेंनी व्यक्त केली खंत; पोस्ट चर्चेत

पुढे त्यांनी लिहिलं, “बोगस कथानकावर प्रचंड पैसा ओतून प्रेक्षकांवर दणादणा प्रसिद्धीचा मारा करणारा निर्माता? असा ‘बकरा’ गळाला लागलाय म्हणून अर्धवट लिहिलेल्या स्क्रिप्टवर घाईघाईत सिनेमा बनवणारा दिग्दर्शक? सुमार अभिनय असला तरी मोठ्ठं नाव असलेले ‘स्टार्स’? की गुंतवून टाकणारं, काळजाला हात घालणारं, मनामेंदूत घर करणारं कथानक, नाव नसलेले पण जीव ओतून काम करणारे प्रतिभावान अभिनेते, वेळ घेऊन कथा-पटकथेतील बारकाव्यांवर नीट काम करून, अभ्यास करून पडद्यावर नितांतसुंदर चित्र साकारणारा दिग्दर्शक? मराठीत पहिला पर्याय असलेल्या सिनेमांचा सुळसुळाट आहे गेली कित्येक वर्षे… दुसरा पर्याय मात्र दुर्मीळ. त्यासाठी कुणी निर्माता तयार नसतो. बजेट कमी, अनोळखी कलाकार वगैरेंमुळे त्या सिनेमाची पुरेशी प्रसिद्धी होत नाही. त्यामुळे प्रेक्षक येत नाहीत, असं त्यांचं मत आहे.”

“हे दुष्टचक्र संपवायला पायजे आपण असं कळकळीनं वाटायचं. उत्तम कथेची उत्तम मांडणी आणि नवोदितांचा तगडा अभिनय असलेला चांगला सिनेमा चालवायला पायजे. अशातच आज ‘तेंडल्या’ पाहिला! काय सांगू गड्याहो… ‘आनंदाचे डोही आनंद तरंग’ अशी अवस्था झाली!! तळमळीनं वाटलं की, सगळ्या मराठी मुलखातल्या सिनेमाप्रेमींना लाऊडस्पीकरवर ओरडून सांगावं की, भावा-बहिणींनो, ‘तेंडल्या’ नक्की बघा… आवर्जून बघा… शो कुठे आहेत ते शोधून काढा… लांब असेल तर वाट वाकडी करून जा, पण बघाच… मनमुराद हसाल, रडाल, टाळ्या वाजवाल, हरवून जाल… आणि थेटरातनं बाहेर पडताना लाखमोलाचं कायतरी घेऊनबी याल. आपलं हरवलेलं हवंहवंसं, लोभस, रंगीबेरंगी बालपण परत अनुभवावं असं प्रत्येकाला वाटतं… ती संधी देणारा ‘तेंडल्या’ हा भन्नाट, जबराट, नादखुळा पिच्चर आहे,” असेही त्यांनी या पोस्टमध्ये म्हटले.

हेही वाचा : “सिनेमा प्रसिद्धी देतो, मालिका पैसा देते पण नाटक…” किरण मानेंची ‘ती’ पोस्ट चर्चेत

या पोस्टच्या शेवटी त्यांनी लिहिले, “सचिन जाधव-नचिकेत वाईकर यांनी मराठीत लै लै वर्षांनी अशी कलाकृती आणलीय, जी फॅमिलीला सोबत घेऊन, पैसे खर्चून, थिएटरमध्ये जाऊन, स्वत:भोवती अंधार करून, एका रम्य विश्वात हरवून जाण्याचा आनंद लुटत पाहावी… जिच्यातनं स्वप्नं पूर्ण करण्यासाठीचं वेडेपण कायमचं काळजात कोरून घ्यावं… आपलं जगणं समृद्ध करणारे असे सिनेमे आले पायजेत राव… तगले पायजेत, गाजले पायजेत… सुमारांची सद्दी संपवायला लै टॅलेंटेड पोरं सज्ज आहेत, त्यांना बळ मिळायला पायजे!” आता त्यांची ही पोस्ट खूप चर्चेत आली असून यावर त्यांचे चाहते कमेंट करत विविध प्रतिक्रिया देत आहेत.