“कारस्थानी वर्चस्ववाद्यांना बहुजनांमधले भ्रष्टाचारी लोक…”, मनोज जरांगे पाटलांच्या साताऱ्यातील सभेच्या पार्श्वभूमीवर किरण मानेंची पोस्ट

किरण मानेंनी फेसबूक पोस्टमध्ये मनोज जरांगे पाटलांचं कौतुक केलं आहे. तसेच संविधानाने दिलेली ताकद त्यांनी दाखवून दिली आहे, असंही त्यांनी म्हटलं. “संविधानाने सामान्य माणसाला दिलेली ताकद जरांगे पाटलांनी दाखवून दिली. कारस्थानी वर्चस्ववाद्यांना बहुजनांमधले भ्रष्टाचारी लोक हाताशी धरून ‘फोडा आणि राज्य करा’चा ब्रिटीशी डाव खेळावा लागतोय. पण तो ही हाणून पाडायला संविधानानं शिकवलंय. जरांगे पाटील राजधानी सातार्‍यात तुमचे मनापासून स्वागत!” असं त्यांनी लिहिलंय. तसेच सोबतच त्यांनी जय शिवराय व जय भीम असे हॅशटॅगही दिले आहेत.

आणखी वाचा

VIDEO : अमरावतीत नवनीत राणांच्या प्रचारसभेत राडा; माजी खासदारावर हल्ल्याचा प्रयत्न!

Nana Patole : निकालाआधी राजकीय घडामोडींना वेग; यातच…

स्कॅमरचा झाला गेम! नकली पोलीस बनून खऱ्या पोलीस अधिकाऱ्याला केला व्हिडीओ कॉल अन्… VIDEO पाहून तुम्हालाही हसू आवरणार नाही

तेलंगणाचे मुख्यमंत्री रेवंथ रेड्डी एक्स्प्रेस अड्डावर, पाहा मुलाखत लाईव्ह

पुणे : शेअर बाजारात गुंतवणुकीच्या आमिषाने २६ लाखांची फसवणूक

“मराठा मतं बोटांवर मोजण्याइतकी” म्हणणाऱ्या बबनराव लोणीकरांवर मनोज जरांगेंचं टीकास्र; म्हणाले, “त्यांना आता रस्त्यावर…”

याला म्हणतात चांगले कर्म! रस्त्यावरील दिव्यांच्या प्रकाशात अभ्यास करत होता चिमुकला, इन्फ्लुअन्सर तरुणाने केले असं काही… VIDEO एकदा पाहाच

दरम्यान, यापूर्वीही अनेकदा किरण माने यांनी मनोज जरांगे पाटील यांच्या आंदोलनाचं आणि उपोषणाचं समर्थन केलं आहे. मराठा आरक्षणासाठी साताऱ्यात साखळी उपोषण करणाऱ्या आंदोलकांची त्यांनी भेट घेतली होती. तसेच “जरांगे पाटील… या देशात एक सामान्य माणूस व्यवस्था हलवू शकतो, हे तुम्ही पुन्हा एकदा सिद्ध केलंय. खरंतर असं पूर्वी घडणं सहज शक्य होतं, कारण व्यवस्थेला संविधानाचा धाक असण्याचा तो काळ होता. आजच्या भवतालात, संविधान गुंडाळू पाहणार्‍या व्यवस्थेला तो धाक ‘दाखवण्याचं’ महान कार्य तुम्ही करत आहात! आम्हाला तुमची गरज आहे,” अशी पोस्ट किरण माने यांनी मनोज जरांगे पाटलांचं उपोषण चालू असताना केली होती.