Video: प्रवीण तरडेंसाठी कुशल बद्रिकेने लिहिलेल्या कविता ऐकून विजू माने वैतागले, म्हणाले…

“प्रवीण तरडे यांच्या गोल्डन जुबलीला जाता न आल्याबद्दलचा हा जाहीर माफीनामा…वाढदिवसाच्या शुभेच्छा यार,” असं कॅप्शन लिहित कुशल बद्रिकेने व्हिडीओ शेअर केला आहे. या व्हिडीओमध्ये कुशलसह लोकप्रिय दिग्दर्शक विजू माने देखील आहेत. दोघं मजेशीर अंदाजात प्रवीण तरडेंना ५०व्या वाढदिवसाच्या शुभेच्छा देताना दिसत आहे.

आणखी वाचा

सूक्ष्म निरीक्षणातून मानवी भावभावनांचा वेध घेणारे लेखक म्हणजे जयवंत दळवी; ‘द मुंबई लिटरेचर लाईव्ह फेस्टिव्हल’मध्ये कलाकारांचे मत

Nana Patole : निकालाआधी राजकीय घडामोडींना वेग; यातच…

“लेखकांना मान कमी…”, अभिजीत गुरूने मांडलं स्पष्ट मत; म्हणाला…

बहारदार शैलीचा कॅनव्हास

“ना पैसे होते, ना धंद्याची अक्कल…”, लेखिका, अभिनेत्री मधुगंधा कुलकर्णीच्या पोस्टने वेधलं लक्ष; म्हणाली…

‘तारक मेहता का उल्टा चष्मा’ फेम अभिनेत्री लवकरच अडकणार लग्नबंधनात; ‘या’ दिवशी वाजणार सनई-चौघडे

“ताई तुझ्याकडून कायम…”, ऑनस्क्रीन सासूबाईंसाठी शिवानी रांगोळेची खास पोस्ट! कविता मेढेकर कमेंट करत म्हणाल्या…

हेही वाचा – Video: “आय लव्ह यू सूर्या…” म्हणत तुळजाने सूर्यादादाला ‘असं’ केलं प्रपोज, पाहा ‘लाखात एक आमचा दादा’चा जबरदस्त प्रोमो

या व्हिडीओत सुरुवातीला विजू माने म्हणतात, “प्रवीण मित्रा आज तुझा ५०वा वाढदिवस. तू इतक्या प्रेमाने, इतक्या वेळा बोलावलं होतंस, जवळपास ५० वेळा तू आमंत्रण दिलंस. आम्ही निघालो होतो. पण काही कारणाने आम्हाला यायला जमतं नाहीये. मला तुला ५०व्या वाढदिवसानिमित्ताने विशेष शुभेच्छा द्यायच्या आहेत.” तितक्यात कुशल बद्रिके कवितेच्या माध्यमातून शुभेच्छा देतो. कुशल म्हणतो, “मुळशी पॅटर्नचा तू डिरेक्टर, पांडूमधला अ‍ॅक्टर, तुझा पिक्चर धर्मवीर …तुझा पिक्चर धर्मवीर टू…हॅप्पी बर्थडे यू टू.”

हेही वाचा – “तुमचं वजन किती?” विचारणाऱ्या चाहत्याला ऐश्वर्या नारकरांनी दिलं भन्नाट उत्तर, म्हणाल्या…

कुशलची ही कविता ऐकून विजू माने हैराण होतात. ते म्हणतात, “प्रवीण खरंतर मी तुझ्या ५०व्या वाढदिवसानिमित्ताने तुझं चित्र गिफ्ट देणार होतो. ते विशेष होतं. पण याने हे काय सुरू केलं कोणास ठाऊक.” तेव्हा कुशल विजू मानेंना म्हणतो, “५० कविता येत नाही?” विजू माने म्हणतात की, कशाबद्दल? तेव्हा कुशल म्हणतो, “दादाला ५० वर्ष झाली ना.” तेव्हा विजू माने म्हणतात की, ५० कविता असल्या… त्यानंतर विजू माने उठून निघून जातात. कुशल बद्रिके आणि विजू मानेंचा हा मजेशीर व्हिडीओ सध्या चांगलाच चर्चेत आला आहे.

हेही वाचा – एका चाहत्याने ऐश्वर्या नारकरांना विचारलं डिनरसाठी, अभिनेत्रीने दिलं जबरदस्त उत्तर; म्हणाल्या…

या व्हिडीओच्या शेवटी प्रवीण तरडेंना वाढदिवसाच्या शुभेच्छा देण्यासाठी मजेशीर फोटो तयार केलेला आहे. कुशल बद्रिके आणि विजू मानेंच्या या व्हिडीओवर अनेकांनी प्रतिक्रिया दिल्या आहेत. बऱ्याच जणांनी हसण्याचे इमोजी प्रतिक्रियेच्या माध्यमातून दिले आहेत.