नवरा माझा नवसाचा २ : यंदा एसटी ऐवजी कोकण रेल्वे का निवडली? स्वत: सचिन-सुप्रिया यांनी सांगितलं कारण…; पाहा व्हिडीओ

चित्रपटाच्या ( Navra Maza Navsacha 2 ) ट्रेलरमध्ये दाखवली जाणारी बालगणेशाची मूर्ती सर्वांचं लक्ष वेधून घेते. बाप्पाच्या या मूर्तीची निवड कोणी केली असा प्रश्न विचारताच सगळ्या कलाकारांनी सुप्रिया पिळगांवकरांकडे बोट दाखवलं. खरंतर सुरुवातीला बाप्पाची दुसरी मूर्ती निश्चित करण्यात आली होती. मात्र, ऐनवेळी सुप्रिया यांच्या मनात बालगणेशाच्या रुपात मूर्ती हवी असं आलं. त्यांनी त्यामागची भावना व संकल्पना सचिन यांना सांगितली. यानंतर सुप्रिया यांच्या पुढाकारामुळे पुढे जाऊन सर्वानुमते बालगणेशाच्या मूर्तीची निवड करण्यात आल्याचं सचिन पिळगांवकरांनी सांगितलं.

हेही वाचा : Video : आधी ‘हिरवा निसर्ग’ आता ‘सुपारी फुटली’! ‘नवरा माझा नवसाचा २’ मध्ये आहे सोनू निगमचं खास गाणं, व्हिडीओ आला समोर

पहिल्या भागात प्रेक्षकांना एसटी बसने गणपती पुळेपर्यंतचा प्रवास पाहायला मिळाला होता. त्यामुळे यंदा प्रवासासाठी कोकण रेल्वे का निवडली यावर सचिन व सुप्रिया म्हणाले, “प्रवास महत्त्वाचा…आणि कोकण रेल्वेने प्रवास करण्यामागे एक खास कारण आहे. या मंडळींना सर्व लोकांबरोबर प्रवास करणं खूप महत्त्वाचं होतं. आता हे का महत्त्वाचं आहे ते तुम्हाला चित्रपट पाहिल्यावर कळेल. याशिवाय एसटी असेल तर आधीची पुनरावृत्ती होईल..त्यामुळे कोकण रेल्वे निवडणं. हा देखील यामागचा उद्देश होता. त्या चित्रपटात बस होती इथे ट्रेन आहे. तिकडे कंडक्टर होता, तर इथे टिसी आहे. प्रवास ही संकल्पना कायम राहणार आहे. कारण, प्रत्येकासाठी जीवनात प्रवास महत्त्वाचा असतो.”

हेही वाचा : नवरा माझा नवसाचा २ : ८०० कोटींचे हिरे, बाप्पाचा कौल अन्…; यंदा कोकण रेल्वेने होणार गणपतीपुळेचा प्रवास! पाहा धमाकेदार ट्रेलर

पाहा लोकसत्ता ऑनलाइनचा डिजिटल अड्डा ( Navra Maza Navsacha 2 )

दरम्यान, अभिनेते सचिन पिळगांवकर, अभिनेत्री सुप्रिया पिळगांवकर, महाराष्ट्र भूषण अशोक सराफ, स्वप्नील जोशी, हेमल इंगळे, निर्मिती सावंत, वैभव मांगले आणि सिद्धार्थ जाधव अशी दमदार स्टारकास्ट या ( Navra Maza Navsacha 2 ) चित्रपटात झळकणार आहे.