नाटक, मालिका, चित्रपट या तिन्ही माध्यमांमध्ये आपल्या दमदार अभिनयाने छाप उमटवणाऱ्या अभिनेता आस्ताद काळेच्या आईचं निधन झाल्याचं समोर आलं आहे. काही दिवसांपूर्वीच आस्ताच्या आईने जगाचा निरोप घेतला. त्यामुळे सध्या आस्ताद सोशल मीडियावर भावुक पोस्ट शेअर करताना दिसत आहे.
काही तासांपूर्वी आस्ताद काळेने “ती गेली….तेव्हा…” अशी पोस्ट शेअर केली आहे. तसेच त्यानंतर “……म्हणुनी…घनव्याकुळ मी रडलो नाहीये अजून”, अशी पोस्ट लिहिली आहे. आस्तादच्या या भावुक पोस्टवर त्याच्या चाहत्यांसह, कलाकार मंडळींनी प्रतिक्रिया दिल्या आहेत.
याआधी आस्तादचे वडील प्रमोद काळे यांनी फेसबुकवर पोस्ट करून पत्नी सुनिता काळे यांचं निधन झाल्याची माहिती दिली होती. आस्तादच्या आईचे अनेक फोटो शेअर करून त्यांनी लिहिलं होतं, “गूड बाय प्रिये…पुन्हा कधीतरी नक्की भेटू…तेव्हा राहिलेलं सगळं बोलू…”
दरम्यान, आस्तादचं आईबरोबर खूप खास नातं होतं. त्यामुळे तो स्वतःच्या नावापुढे वडिलांच्या नावासह आईचं नाव लावत असे. ‘आस्ताद सुनीता प्रमोद काळे’ असं त्याचं सोशल मीडियावर नाव आहे.
