मराठी सिनेसृष्टीतील आघाडीचा अभिनेता म्हणून जितेंद्र जोशीला ओळखले जाते. त्याच्या दमदार अभिनय कौशल्यामुळे तो कायमच चर्चेत असतो. मराठीप्रमाणेच हिंदी कलाविश्वातही त्याने अढळ स्थान निर्माण केले आहे. यामुळेच त्याचा फार मोठा चाहतावर्ग आहे. नुकतंच जितेंद्र जोशीने त्याच्या चाहत्याला चांगला सल्ला दिला आहे.
जितेंद्र जोशीने नुकतंच इन्स्टाग्रामवर एक सेशन आयोजित केले होतं. “प्रवास करताना गप्पा मारुया”, अशी पोस्ट त्याने इन्स्टाग्रामवर केली होती. त्यावर त्याच्या अनेक चाहत्यांनी त्याला प्रश्न विचारले. त्याची जितेंद्र जोशीने मजेशीररित्या उत्तर दिली.
आणखी वाचा : प्रसिद्ध मराठी अभिनेत्रीने शेअर केला बाथटबमधील बोल्ड फोटो, कॅप्शन चर्चेत
यावेळी एका चाहत्याने जितेंद्र जोशीला अजब प्रश्न विचारला. “मला बायकोचा सारखा राग राग येतो काय करु?”, असा प्रश्न एकाने जितेंद्र जोशीला विचारला. त्यावर जितेंद्र जोशीने त्याला उत्तर देत हटके सल्लाही दिला.
“राग जसा येतो, तसा जातो सुद्धा आणि माझ्याशी नाही तिच्याशी बोल. बंद कर मोबाईल”, असे उत्तर जितेंद्र जोशीने त्याला दिले आहे.
आणखी वाचा : “मला २७ वेळा पहिलं प्रेम झालं”, अवधूत गुप्तेचे ‘ते’ वक्तव्य चर्चेत, म्हणाला “वेगवेगळ्या मुलींबरोबर…”
दरम्यान जितेंद्र जोशी हा काही दिवसांपूर्वी ‘गोदावरी’ या चित्रपटात झळकला होता. या चित्रपटाने राष्ट्रीय-आंतरराष्ट्रीय महोत्सवांमध्ये स्थान मिळवलं होतं. या चित्रपटात जितेंद्र जोशीने प्रमुख भूमिका साकारली होती.
