प्रसाद ओक मराठीतील लोकप्रिय अभिनेता आहे. आपल्या अभिनयाच्या जोरावर प्रसादने प्रेक्षकांमध्ये वेगळी ओळख निर्माण केली आहे. प्रसाद सोशल मीडियावर नेहमी सक्रिय असतो. निरनिराळे व्हिडीओ आणि फोटो शेअर करत तो चाहत्यांना अपडेट देत असतो. नुकतंच प्रसादने सोशल मीडियावर एक फोटो शेअर केला आहे.
हेही वाचा- प्रवीण तरडे : ‘देऊळबंद’, ‘धर्मवीर’ ते मुळशीच्या मातीशी नाळ जोडलेला ‘दोस्तांचा दिग्दर्शक’
प्रसाद ओक सध्या आपल्या कुटुंबाबरोबर वेळ घालवत आहे. नुकतच प्रसाद कुटुंबाबरोबर फिरायला परदेशात गेला होता. प्रसादने याचे फोटोही त्याच्या इन्स्टाग्रामवर शेअर केले आहेत. फोटोमध्ये प्रसाद त्याची पत्नी मंजिरी आणि मुलगा मयांकबरोबर विमानात बसलेला दिसत आहे. प्रसादने विमानाच्या बिझनेस क्लासमधून प्रवास केला आहे. फोटो शेअर करत प्रसादने लिहिलं “फॅमिली टूर…” लवकरच भेटू सार्थक”
प्रसाद आणि मंजिरीला दोन मुलं आहेत. मयांक आणि सार्थक. सार्थक सध्या परदेशात शिक्षण घेत आहे. प्रसाद आणि मंजिरी सार्थला भेटायला परदेशात गेले आहेत. प्रसादने फॅमिली टूर आणि मुलाची भेट यांचा एकत्र योग जूळवून आणला आहे. प्रसादची ही पोस्ट सोशल मीडियावर व्हायरल झाली आहे. अनेक चाहत्यांनी या पोस्टवर कमेंट केली आहे.
हेही वाचा- “पंखा साफ करायची वेळ…”, नेटकऱ्याच्या कमेंटवर सिद्धार्थ चांदेकरचं रोखठोक उत्तर; म्हणाला…
प्रसादच्या कामाबद्दल बोलायचं झालं तर आत्तापर्यंत त्याने अनेक सुपरहिट चित्रपटांमध्ये काम केलं. सध्या तो ‘महाराष्ट्राची हास्यजत्रा’ कार्यक्रमाचे परिक्षण करत आहे. त्याचा ‘धर्मवीर’ चित्रपट चांगलाच गाजला. आता लवकरच या चित्रपटाचा दुसरा भाग धर्मवीर २ प्रेक्षकांच्या भेटीला येणार आहे. सध्या या चित्रपटाच शुटींग सुरु आहे. तसेच प्रसादचा ‘जिलबी’ नावाचा चित्रपटही लवकरच प्रदर्शित होणार आहे.
