लाडक्या बाप्पाचं आगमन झाल्यापासून सगळीकडे उत्साह आणि चैतन्याचं वातावरण आहे. बाप्पाची आरती, गाणी ऐकायला मिळतं आहेत. यंदा ‘आमच्या पप्पांनी गणपती आणला’ हे गाणं आवुर्जन लावलं जात अन् गायलं सुद्धा जात आहे. सोशल मीडियावर तर या गाण्यावरील व्हिडीओ चांगलेच व्हायरल होतं आहेत. हेच लोकप्रिय गाणं आता संदीप पाठकच्या लेकीनं गायलं आहे. याचा व्हिडीओ अभिनेत्यानं नुकताच शेअर केला आहे.
हेही वाचा – “तू इतका सेक्सी का आहेस?” चाहतीच्या प्रश्नावर अभिनेता गश्मीर महाजनीचं उत्तर, म्हणाला….
अभिनेता संदीप पाठक सोशल मीडियावर खूप सक्रिय असतो. नेहमी लेकीबरोबरचे व्हिडीओ शेअर करत असतो. कधी देवाची प्रार्थना बोलताना तर कधी कविता बोलताना संदीपची लाडकी स्वरा पाहायला मिळते. आता तिनं खास गणपती बाप्पासाठी ‘आमच्या पप्पांनी गणपती आणला’ हे गाणं गायलं आहे.
संदीपच्या लेकीचा हा गोड व्हिडीओ कलाकार मंडळींसह चाहत्यांनी लाइक केला आहे. शिवाय ‘मस्त’, ‘एक नंबर’, ‘खूप छान’ अशा प्रतिक्रिया या व्हिडीओवर चाहत्यांनी दिल्या आहेत.
दरम्यान, संदीप पाठकच्या कामाबद्दल बोलायचं झालं तर, अलीकडेच त्यानं त्याच्या यूट्युब चॅनेलवर ‘बाप्पा सोबत गप्पा’ हा कार्यक्रम सुरू केला आहे. आतापर्यंत या कार्यक्रमाचे चार भाग प्रदर्शित झाले आहेत. तसेच काही दिवसांपूर्वी त्याचं लोकप्रिय नाटक ‘वऱ्हाड निघालंय लंडनला’ याचे पुण्यात प्रयोग झाले.
