अभिनेते शरद पोंक्षे नेहमी त्यांच्या परखड मतांमुळे चर्चेत असतात. मराठी मनोरंजनसृष्टीत बेधडक व्यक्तिमत्व अशी त्यांची ओळख आहे. सध्या त्यांचे सोशल मीडियावरील व्हिडीओ चांगलेच व्हायरल होतं असतात. नुकतंच त्यांनी चाळसंस्कृतीविषयी भाष्य केलं आहे. याचा व्हिडीओ त्यांनी सोशल मीडियावर शेअर केला असून तोही व्हिडीओ चांगलाच चर्चेत आला आहे.
हेही वाचा – ‘ठरलं तर मग’ फेम जुई गडकरीची सर्वात आवडती गोष्ट माहितेय? जाणून घ्या
या व्हिडीओत, शरद पोंक्षे चाळीतल्या गमतीजमती सांगताना दिसत आहे. ते म्हणतात की, “आमच्या घरी माझ्या वडिलांना पहिला बोनस मिळाला होता तेव्हा घरी फ्रिज आणला होता. आमचं दूध सोडून चाळीतल्या १०-१२ लोकांचं दूध त्या फ्रिजमध्ये असायचं. काकू जरा दूध ठेवतो हा, नासेल ना म्हणून. आतापर्यंत फ्रिज कोणाकडेच नव्हतं, तेव्हा नासलं नाही कोणाचं. पण आमच्या आई-वडिलांनी कधीच नकार दिल्याचं मला आठवत नाही. एकवेळ आई म्हणायची, आपलं दूध बाहेर काढून ठेव. पण काकूंच दूध आतमध्ये ठेव. ही जी माणूसकी होतीना ती आता फ्लॅटमध्ये हरवली आहे. समोर मेला तरी कोणी दरवाजा उघडून बघत नाही.”
हेही वाचा – अपूर्वा नेमळेकरला अजूनही येत आहे शेवंताची आठवण; व्हिडीओ शेअर करत म्हणाली, “या भूमिकेशी…”
यापूर्वी शरद पोंक्षेंचं व्याख्यानं फुकट देण्याच्या मागणीवर केलेलं स्पष्ट मत चांगलंच चर्चेत आलं होतं. याचा व्हिडीओ देखील व्हायरल झाला होता. लवकरच पोंक्षे यांचं बहुचर्चित नाटक ‘नथुराम गोडसे बोलतोय’ हे पुन्हा एकदा रंगमंचावर पाहायला मिळणार आहेत. तसेच ते ‘स्वरगंधर्व सुधीर फडके’ या चित्रपटात डॉ. हेडगेवारांच्या भूमिकेत झळकणार आहेत.
