अभिनेते शरद पोंक्षें हे कायमच विविध कारणांनी चर्चेत असतात. कधी राजकीय भूमिकेमुळे तर कधी त्यांच्या अभिनयामुळे ते प्रसिद्धीझोतात असतात. नुकतंच शरद पोंक्षे यांनी ‘ठिपक्यांची रांगोळी’ या मालिकेतून एक्झिट घेतली. मालिकेसाठी फारसा वेळ देऊ शकणार नाही, असे कारण देत त्यांनी या मालिकेला रामराम केला. त्यानतंर लगेचच शरद पोंक्षेंनी त्यांच्या चाहत्यांना एक आनंदाची बातमी दिली आहे.
शरद पोंक्षे लवकरच एका नव्या चित्रपटात झळकणार आहेत. ‘स्वरगंधर्व सुधीर फडके’ असे या चित्रपटाचे नावर आहे. यादरम्यानचा एक खास व्हिडीओ शरद पोंक्षेंनी जाहीर केला आहे. यात त्यांच्या पहिल्या लूकची झलकही पाहायला मिळत आहे.
आणखी वाचा : ‘ठिपक्यांची रांगोळी’ मालिकेला शरद पोंक्षेंचा रामराम, कारण आले समोर, म्हणाले “माझ्या जागी…”
“स्वरगंधर्व सुधिर फडके सिनेमाचा मुहूर्त सोहळा. मी डॉ हेडगेवार साकारतोय व मित्र सुनिल बर्वे सुधिर फडके”, असे त्यांनी या व्हिडीओला कॅप्शन देताना म्हटले आहे.
स्वरगंधर्व सुधीर फडके या चित्रपटात शरद पोंक्षे डॉ हेडगेवार ही भूमिका साकारत आहेत. या चित्रपटाच्या मुहुर्तावेळी त्यांनी त्यांच्या लूकची झलक दाखवली. यावेळी त्यांनी धोती, सदरा, कोट आणि टोपी परिधान केली होती.
शरद पोंक्षेंच्या या नव्या लूकवर अनेकजण कमेंट करताना दिसत आहे. त्यांच्या अनेक चाहत्यांना हा लूक आवडल्याचे दिसत आहे. वाह…. असं वाटलं जणू प्रत्यक्ष संघाचे आद्यसरसंघचालक श्री हेडगेवार गुरुजी उभे आहेत , असे एकाने कमेंट करत म्हटले आहे. तर एकाने दादा तुम्हाला डॉ. हेडगेवार ह्यांच्या भूमिकेत बघायला उत्सुक आहोत, तुम्हाला खूप खूप शुभेच्छा, अशी कमेंट केली आहे.
