Video: सुबोध भावेच्या ‘मानापमान’ संगीतमय चित्रपटाच्या शूटिंगला सुरुवात, व्हिडीओ शेअर अभिनेता म्हणाला…

हेही वाचा – “केस कापणे हा सुद्धा एक टास्क….”, ‘आई कुठे काय करते’ फेम मिलिंद गवळी असं का म्हणाले?

सुबोध भावे दिग्दर्शित ‘कट्यार काळजात घुसली’ हा चित्रपट चांगलाच गाजला होता. या चित्रपटामुळे नाट्यसंगीत आणि शास्त्रीय संगीताची आवड नव्या पिढीत निर्माण झाली. आजही या चित्रपटातील गाणी तितक्यात आवडीनं ऐकली जातात. २०१५ साली प्रदर्शित झालेल्या या चित्रपटाला गेल्या वर्षी सात वर्षे पूर्ण झाली होती. याच औचित्य साधून सुबोधने ‘मानापमान’ या नव्या चित्रपटाची घोषणा केली होती. त्यानंतर यंदा या चित्रपटाच्या तयारीला जोरदार सुरुवात झाली आहे. काही दिवसांपूर्वीच या चित्रपटाचा मुहूर्त सोहळा पार पडला.

हेही वाचा – Video: काजोलचा व्हिडिओ काढताना पडला पापाराझी; अभिनेत्रीच्या कृतीने वेधलं लक्ष, पाहा व्हिडीओ

कृष्णाजी प्रभाकर खाडिलकर यांच्या ‘संगीत मानापमान’ या नाटकावरून प्रेरित असलेल्या ‘मानापमान’ या संगीतमय चित्रपटाच्या शूटिंग आता सुरुवात झाली आहे. यासंदर्भातील व्हिडीओ शेअर करत सुबोध भावेने लिहीलं, “अखेर ‘मानापमान’च्या शूटिंगला सुरुवात झाली. ‘कट्यार’नंतर पुन्हा एकदा आमचा संपूर्ण संघ तुम्हाला आनंद देण्यासाठी सज्ज झालाय. पुढचे काही महिने आम्ही पुन्हा एकदा एका सुंदर प्रवासाचे साक्षी होणार आणि पुढील वर्षी दिवाळीला तुम्हालाही आमच्या आनंदात सहभागी करून घेणार. तुमचा आशीर्वाद आणि प्रेम असेच राहू दे”

हेही वाचा – “कॅमेराच्या मॉनिटवर साप अन्…” अभिनेता अमेय वाघचा अंदमानमधील चित्रीकरणाचा अनुभव, म्हणाला…

सुबोधला या पोस्टवर प्रतिक्रियेद्वारे कलाकार मंडळीसह त्याच्या चाहत्यांनी शुभेच्छा दिल्या आहे. “तुमचे दिग्दर्शन आणि अभिनय नेहमीच आम्हाला बघायला आवडतं..संगीत सुरांच्या मैफलीत गाजणारा हा चित्रपट असेल..याची पण अनेक गाणी मनाला स्पर्श करणारी असेल..गणपती बाप्पा मोरया..खूप खूप शुभेच्छा सर..”, “सुंदर, सुंदर, सुंदर… तुम्हाला व ‘मानापमान’ चित्रपटाच्या सर्व टीमला मनापासून अनंत शुभेच्छा, जय हो..”, “तुमच्या या आनंदमय प्रवासासाठी मनःपूर्वक शुभेच्छा आणि आम्हाला पुढच्या वर्षी दिवाळीत मिळणाऱ्या आनंदाची आतुरता… चित्रीकरण पाहून मन अगदी भरून आले”, अशा प्रतिक्रिया चाहत्यांनी दिल्या आहेत.

हेही वाचा – “हिंदू हा धर्म नाही, ही जगण्याची…,” अध्यात्माविषयी बोलताना मिलिंद गवळींचं वक्तव्य, म्हणाले…

हेही वाचा – ‘आई कुठे काय करते’ मालिका बंद होणार का? अभिनेते मिलिंद गवळी म्हणाले…

दरम्यान, सुबोध भावेच्या या पोस्टवरून हे स्पष्ट झालंय की, त्याचा हा नवा संगीतमय चित्रपट पुढच्या दिवाळीला प्रदर्शित होणार आहे. त्यामुळे आता चाहत्यांमध्ये या चित्रपटाविषयी उत्सुकता पाहायला मिळत आहे.