मराठीबरोबरच हिंदी सिनेसृष्टीत आपल्या अभिनयाचा ठसा उमटवणारी अभिनेत्री म्हणजे अमृता खानविलकर. ती कायमच विविध कारणांनी चर्चेत असते. अमृता खानविलकरच्या एका व्हिडीओवर चाहत्याने नथीबद्दल प्रश्न विचारला आहे. त्यावर तिने उत्तर दिले.
अभिनेत्री प्राजक्ता माळी काही महिन्यांपूर्वी दागिन्यांचा एक व्यवसाय सुरु केला होता. नुकतंच प्राजक्ताने या दागिन्यांच्या संचातील एक संच अमृता खानविलकरला भेट म्हणून दिला आहे. अमृताने इन्स्टाग्रामला याबद्दल एक व्हिडीओ शेअर केला आहे.
आणखी वाचा : “तुम्ही ब्राह्मण असूनही मांसाहार करता?” चाहतीच्या कमेंटवर सुकन्या मोने म्हणाल्या, “ते चांगलं की वाईट…”
या व्हिडीओत अमृता ही या संचाची झलक दाखवताना दिसत आहे. त्याबरोबरच ती हे दागिने परिधान करुन पारंपारिक लूकमध्येही पाहायला मिळाली. यावेळी तिने नथ परिधान केली नव्हती. त्यावरुन एका चाहत्याने तिला प्रश्न विचारला आहे.
“नथ न घालताच? नथीशिवाय हा संपूर्ण साज अर्धवट वाटतो”, अशी कमेंट एका चाहत्याने केली आहे. त्यावर अमृताने “मी नथ नंतर घातली”, असे सांगितले आहे. तर एकाने “मलाही असे दागिने हवेत, तुम्हीही नवीन व्यवसाय सुरु केलाय का?” असा प्रश्न विचारला होता. त्यावर अमृताने “कॅप्शन वाचा, हे दागिने प्राजक्तराजकडून घेतलेले आहेत”, असे म्हटले आहे.
