मराठी चित्रपटसृष्टीतील लोकप्रिय अभिनेत्री मानसी नाईक गेल्या काही महिन्यांपासून तिच्या खासगी आयुष्यामुळे चर्चेत आहे. पती प्रदीप खरेरापासून लवकरच ती घटस्फोट घेणार आहे. सध्या मानसी व प्रदीपच्या घटस्फोटाची अधिकृत प्रक्रिया सुरू आहे. दरम्यान दोघंही सोशल मीडियाद्वारे त्यांच्या मनातील भावना व्यक्त करताना दिसत आहेत. अशातच मानसीने शेअर केलेल्या पोस्टने सगळ्यांचं लक्ष वेधून घेतलं आहे.
मानसीने इन्स्टाग्राम अकाऊंटद्वारे काही फोटो शेअर केले आहेत. या फोटोंमध्ये तिने साडी परिधान केली आहे. तर हातात हिरव्या बांगड्यांचा चुडा आहे. मानसीने समुद्रकिनारी साडीमध्ये खास फोटोशूट केलं आहे. हे फोटो शेअर करत असताना तिने खास कॅप्शनही दिलं आहे.
मानसी म्हणाली, “नाही. माझ्या आयुष्याची ही नवी सुरुवात नाही. ही नव्या पुस्तकाची सुरुवात आहे. पहिलं पुस्तक कधीच बंद केलं आहे आणि समुद्रात फेकलं आहे. आता मी हे नवीन पुस्तक उघडलं आहे. नुकतीच सुरुवात झाली आहे”. मानसीच्या या पोस्टने सगळ्यांचं लक्ष वेधून घेतलं आहे.
आणखी वाचा – अशी दिसते देवेंद्र फडणवीस व अमृता फडणवीस यांची लेक, खास पोस्ट शेअर करत म्हणाल्या, “दिविजा तुला…”
मानसीच्या या फोटोंवर लाईक व कमेंट्सचा वर्षाव होत आहे. तर अनेकांनी तुझा नवरा तुझ्याबरोबर दिसत नाही अशाही कमेंट केल्या आहेत. मानसी नाईक व प्रदीप खरेरा यांनी जानेवारी २०२१मध्ये लग्नगाठ बांधली. सुरुवातीला त्यांचा सुखाचा संसार सुरू होता. लग्नाच्या अवघ्या दीड वर्षातच मानसीने घटस्फोट घेण्याचा निर्णय घेतला आहे.
