Marathi Actress Praises Sangeet Manapman Movie : मराठी कलाविश्वात सध्या सुबोध भावे दिग्दर्शित ‘संगीत मानापमान’ या चित्रपटाची जोरदार चर्चा चालू आहे. १० जानेवारीला हा सिनेमा सर्वत्र प्रदर्शित झाला. ११३ वर्षांपासून सातत्याने मराठी मनाला भुरळ घालणारं नाटक ‘संगीत मानापमान’ आता रुपेरी पडद्यावर नव्या रुपात प्रेक्षकांना पाहायला मिळत आहे. मराठी कलाविश्वातून सध्या या चित्रपटावर कौतुकाचा वर्षाव करण्यात येत आहे. अनेक कलाकारांनी सुबोध भावेच्या चित्रपटाचं भरभरून कौतुक करत पोस्ट लिहिल्या आहेत.
‘नवरी मिळे हिटलरला’, ‘३६ गुणी जोडी’ या मालिका तसेच ‘मुशाफिरी’ नाटकांतून घराघरांत लोकप्रिय झालेल्या अभिनेत्री अक्षता आपटेने ‘संगीत मानापमान’ चित्रपटासाठी एक लक्षवेधी पोस्ट शेअर करत सर्व प्रेक्षकांना हा चित्रपट पाहण्याचं आवाहन केलं आहे. अभिनेत्री या चित्रपटाविषयी नेमकं काय म्हणतेय जाणून घेऊयात…
हेही वाचा : ‘कोकण हार्टेड गर्ल’ची लगीनघाई! अंकिता-कुणालचं पार पडलं पहिलं केळवण, फोटो आला समोर, लग्नपत्रिका पाहिलीत का?
मराठी अभिनेत्रीची पोस्ट
अक्षता आपटे लिहिते, “जर तुम्ही साऊथच्या बाहुबली चित्रपटाचं कौतुक केलं असेल, डिस्नीच्या म्युझिकल मुव्हिज एन्जॉय केल्या असतील… लहानपणी वाचलेल्या इसापनीतीच्या गोष्टी जर तुम्ही आठवत असतील, तरच आपला मराठीतला मानापमान तुम्हाला कळेल आणि खूप आवडेल. खूप सुंदर, साधी सोपी गोष्ट… कमाल स्क्रीनप्ले… मराठीमध्ये बहुतेक आजवर कधीही न पाहिलेल्या लोकेशन्स आणि सेट्स, सुंदर BGM, सगळी कमाल गाणी आणि सर्वात महत्त्वाचं म्हणजे या गाण्यांची कमाल प्लेसमेंट, अप्रतिम दिग्दर्शन आणि सुंदर शॉर्ट्स…सगळंच आवडलं! मजा आली. सुबोध भावे यांनी पुन्हा एकदा सुंदर सिनेमा बनवून सिद्ध केलंय. खूप सुंदर”
अक्षता आपटेप्रमाणे सलील कुलकर्णी, अमृता खानविलकर, अभिज्ञा भावे, मयुरी देशमुख, शर्वरी लोहकरे, शिवानी सोनार, प्राजक्ता माळी, सिद्धार्थ चांदेकर यांसह अनेक मराठी कलाकारांनी या चित्रपटाचं भरभरून कौतुक केलं आहे.
दरम्यान, ‘संगीत मानापमान’ या चित्रपटात शौर्याला, धैर्याला, पराक्रमाला आणि त्यागाला वंदन करून एका संगीतमय प्रेमकथेचा संपूर्ण प्रवास अनुभवायला मिळतो. यामध्ये सुबोध भावे, सुमित राघवन, वैदेही परशुरामी, उपेंद्र लिमये, नीना कुलकर्णी, निवेदिता सराफ, शैलेश दातार, अर्चना निपाणकर आदी कलाकार प्रमुख भूमिकेत आहेत.
