भाषणातून तोफा डागत, राजकरण्यांच्या नकला करत महाराष्ट्र नवनिर्माण सेनेचे अध्यक्ष राज ठाकरे विरोधकांना लक्ष करत असतात. निडर स्वभाव व करारी बाणा ही त्यांची विशेष ओळख आहे. राज ठाकरे यांचा आज ५५वा वाढदिवस आहे. त्यांच्या वाढदिवसानिमित्त मनसे कार्यकर्त्यांकडून त्यांच्यावर शुभेच्छांचा वर्षाव होत आहे.
राज ठाकरेंना अनेक सेलिब्रिटींनीही सोशल मीडियावरुन वाढदिवसाच्या शुभेच्छा दिल्या आहेत. मराठी चित्रपटसृष्टीतील सुप्रसिद्ध दिग्दर्शक केदार शिंदे यांनीही राज ठाकरेंसाठी खास पोस्ट केली आहे. केदार शिंदेंनी राज ठाकरेंबरोबरचा फोटो त्यांच्या इन्स्टाग्राम अकाऊंटवरुन शेअर केला आहे.
हेही वाचा>> सुशांत सिंह राजपूतच्या आत्महत्येला तीन वर्ष पूर्ण, बहिणीची भावुक पोस्ट, म्हणाली, “मला माहीत आहे…”
केदार शिंदेंनी या फोटोला दिलेल्या कॅप्शनने सगळ्यांचं लक्ष वेधून घेतलं आहे. “राजा माणूस…वाढदिवसाच्या शुभेच्छा”, असं कॅप्शन केदार शिंदेंनी राज ठाकरेंबरोबरच्या फोटोला देत त्यांना वाढदिवसानिमित्त शुभेच्छा दिल्या आहेत. केदार शिंदेंनी राज ठाकरेंसाठी केलेली ही पोस्ट सध्या चर्चेत आहे.
