मराठी चित्रपटसृष्टीतील प्रसिद्ध अभिनेत्री म्हणून मृण्मयी देशपांडेला ओळखले जाते. आपल्या अभिनयाच्या जोरावर मृण्मयीने प्रेक्षकांच्या मनात वेगळे स्थान निर्माण केले आहे. सोशल मीडियावर मृण्मयी मोठ्या प्रमाणात सक्रिय असते निरनिराळे व्हिडीओ व फोटो शेअर करत ती चाहत्यांना अपडेट देत असते. दरम्यान काही दिवसांपूर्वीच मृण्मयी पतीसह महाबळेश्वरमध्ये स्थायिक झाली आहे. मध्यंतरी एक पोस्ट शेअर करत निसर्गाच्या सानिध्यात छोटसं घर बांधलं असल्याचं मृण्मयीने सांगितलं होतं.
महाबळेश्वरमध्ये मृण्मयी व तिचा पती स्वपनील शेती करतात. महाबळेश्वरमध्ये मृण्मयी-स्वप्नीलने ‘नील अँड मोमो’ फार्म्स हा नवा व्यवसाय सुरू केला आहे. आपल्या घराच्या आजूबाजूच्या परिसरात तिने वांगी, भेंडी. मिरची, कोथिंबीर सारख्या भाज्यांची लागवड केली आहे, मृण्मयी अनेकदा व्हिडीओद्वारे शेतीविषयक काही माहिती देताना दिसते. आता मृण्मयीने शेतात स्ट्रॉबेरीचे पिक घेतले आहे. मृण्मयीने याचा एक व्हिडीओही सोशल मीडियावर शेअर केला आहे.
व्हिडीओच्या सुरुवातीला मृण्मयी “एक फारच भारी काम करायला मी आत्ता तयार आहे ते म्हणजे आमच्या शेतातून स्ट्रॉबेरीची काढणी करणे. कारण स्ट्रॉबेरी आता रेडी आहे आणि आम्ही त्यांना खायला हापापले आहोत” असे म्हणताना दिसत आहे. त्यानंतर मृण्मयी व तिचा पती स्वप्निलने स्ट्रॉबेरीची काढणीही केली. स्टॉबेरी तोडताना मृण्मयी खूपच उत्साही दिसत आहे. मृण्मयीचा हा व्हिडीओ सोशल मीडियावर मोठ्या प्रमाणात व्हायरल झाला आहे. अनेक चाहत्यांनी या व्हिडीओवर मोठ्या प्रमाणात कमेंट केल्या आहेत.
मृण्मयी व स्वप्निलने मध्यंतरी महाबळेश्वरमध्ये शेतीविषयक कोर्स सुरु केला होता. तसेच मृण्मयीने स्वतःचा एक नैसर्गिक ब्युटी ब्रँडही सुरु केला आहे. महाबळेश्वरमधूनच ती या संपूर्ण ब्रँडचे काम पाहते. मृण्मयी सध्या निसर्गाच्या सानिध्यात स्वतःचा वेळ घालवताना दिसत आहे.
