‘नवरा माझा नवसाचा २’ (Navra Maza Navsacha 2) हा चित्रपट नुकताच प्रदर्शित झाला आहे. या चित्रपटाला प्रेक्षकांचा उत्स्फूर्त प्रतिसाद मिळताना दिसत आहे. आता ‘नवरा माझा नवसाचा २’ या चित्रपटात महत्त्वाच्या भूमिकेत दिसणारी अभिनेत्री हेमल इंगळे व स्वप्नील जोशी यांनी नुकतीच एक मुलाखत दिली. या मुलाखतीत हेमल इंगळेने कोकण माझ्यासाठी स्पेशल असल्याचे म्हटले आहे.
काय म्हणाली अभिनेत्री?
अभिनेत्री हेमल इंगळेने नुकतीच ‘प्लॅनेट मराठी’ला मुलाखत दिली. या मुलाखतीत तिला प्रश्न विचारला की, चित्रपटात कोकण प्रवास दाखवला आहे. तुझ्या काही आठवणी आहेत का प्रवासादरम्यानच्या? यावर बोलताना अभिनेत्रीने म्हटले, “कोकण माझ्यासाठी खूप स्पेशल आहे. देवाच्या कृपेनं कसं काय ते मला माहीत नाही; पण जेव्हापासून मी या इंडस्ट्रीमध्ये आली आहे. तेव्हापासून एक फिल्म कोकणात होते. त्यामुळे मला कोकण आणखी जास्त अनुभवता आला; जे कदाचित लहानपणी राहून गेलेलं. लहानपणी रत्नागिरीपर्यंत मी गेले होते.”
“गणपतीपुळे, कुडाळ, रत्नागिरी आणि त्यापुढे गुहागर वगैरे या जागा मी पाहिल्याच नव्हत्या. कारण- कोल्हापूरहून ते जरा जास्त लांब आहे. पण, आता चित्रपटांमुळे मी गुहागर, दापोली ही ठिकाणं पाहिली आहेत. ते पाहिल्यानंतर जाणवतं की, कोकणाचा पट्टा इतका मोठा आहे की, जिथे जास्त गर्दी नसते आणि तो परिसर तसाच राहावा. जेव्हा शहरातल्या गर्दीतून आपण तिथे जातो आणि आपल्याला मोकळा श्वास घेता येतो, तो तसाच राहू दे, अशी माझी इच्छा आहे. पण, कोकण हे शब्दांच्या पलीकडे सुंदर आहे”, अशा शब्दांत हेमलने कोकणाचे वर्णन केले आहे.
स्वप्नील जोशी कोकणाबद्दल बोलताना म्हणाला, “जर आपण कोकण फिरलो, तर त्यापुढे मालदीव, मॉरिशस फिके पडतात. महाराष्ट्राबाहेर आपण कोकणाचं चांगलं मार्केटिंग केलं, तर कोकणात गर्दी होईल. कोकणाचं सौंदर्य, खाद्यसंस्कृती, तिथली माणसं, जागा सर्वच उत्तम आहे. ज्या ठिकाणांवर आजवर कोणीही गेलं नाही अशा जागा कोकणात आहेत. महत्त्वाचं म्हणजे तेथे परवडणाऱ्या जागा आहेत. कारण- मालदीव आणि मॉरिशस म्हणजे खिशाला मोठा फटका आहे. कोकण चार-पाच तासांवर कोकण आहे. कोकणात जाण्यासाठी रेल्वे आहेत. अनेक विमानतळ बनत आहेत. मला असं मनापासून वाटतं की, कोकण खूप जास्त एक्सप्लोर व्हायला पाहिजे. माझं असं म्हणणं आहे की, भारतातील टॉप हॉलिडे डेस्टिनेशन होण्याची ताकद कोकणामध्ये आहे.
दरम्यान, ‘नवरा माझा नवसाचा २’ हा चित्रपट २० सप्टेंबरला सिनेमागृहात प्रदर्शित झाला. या चित्रपटाला प्रेक्षकांचा उत्स्फूर्त प्रतिसाद मिळताना दिसत आहे. आता बॉक्स ऑफिसवर हा चित्रपट किती कमाई करणार हे पाहणे महत्त्वाचे ठरणार आहे.
काय म्हणाली अभिनेत्री?
अभिनेत्री हेमल इंगळेने नुकतीच ‘प्लॅनेट मराठी’ला मुलाखत दिली. या मुलाखतीत तिला प्रश्न विचारला की, चित्रपटात कोकण प्रवास दाखवला आहे. तुझ्या काही आठवणी आहेत का प्रवासादरम्यानच्या? यावर बोलताना अभिनेत्रीने म्हटले, “कोकण माझ्यासाठी खूप स्पेशल आहे. देवाच्या कृपेनं कसं काय ते मला माहीत नाही; पण जेव्हापासून मी या इंडस्ट्रीमध्ये आली आहे. तेव्हापासून एक फिल्म कोकणात होते. त्यामुळे मला कोकण आणखी जास्त अनुभवता आला; जे कदाचित लहानपणी राहून गेलेलं. लहानपणी रत्नागिरीपर्यंत मी गेले होते.”
“गणपतीपुळे, कुडाळ, रत्नागिरी आणि त्यापुढे गुहागर वगैरे या जागा मी पाहिल्याच नव्हत्या. कारण- कोल्हापूरहून ते जरा जास्त लांब आहे. पण, आता चित्रपटांमुळे मी गुहागर, दापोली ही ठिकाणं पाहिली आहेत. ते पाहिल्यानंतर जाणवतं की, कोकणाचा पट्टा इतका मोठा आहे की, जिथे जास्त गर्दी नसते आणि तो परिसर तसाच राहावा. जेव्हा शहरातल्या गर्दीतून आपण तिथे जातो आणि आपल्याला मोकळा श्वास घेता येतो, तो तसाच राहू दे, अशी माझी इच्छा आहे. पण, कोकण हे शब्दांच्या पलीकडे सुंदर आहे”, अशा शब्दांत हेमलने कोकणाचे वर्णन केले आहे.
स्वप्नील जोशी कोकणाबद्दल बोलताना म्हणाला, “जर आपण कोकण फिरलो, तर त्यापुढे मालदीव, मॉरिशस फिके पडतात. महाराष्ट्राबाहेर आपण कोकणाचं चांगलं मार्केटिंग केलं, तर कोकणात गर्दी होईल. कोकणाचं सौंदर्य, खाद्यसंस्कृती, तिथली माणसं, जागा सर्वच उत्तम आहे. ज्या ठिकाणांवर आजवर कोणीही गेलं नाही अशा जागा कोकणात आहेत. महत्त्वाचं म्हणजे तेथे परवडणाऱ्या जागा आहेत. कारण- मालदीव आणि मॉरिशस म्हणजे खिशाला मोठा फटका आहे. कोकण चार-पाच तासांवर कोकण आहे. कोकणात जाण्यासाठी रेल्वे आहेत. अनेक विमानतळ बनत आहेत. मला असं मनापासून वाटतं की, कोकण खूप जास्त एक्सप्लोर व्हायला पाहिजे. माझं असं म्हणणं आहे की, भारतातील टॉप हॉलिडे डेस्टिनेशन होण्याची ताकद कोकणामध्ये आहे.
दरम्यान, ‘नवरा माझा नवसाचा २’ हा चित्रपट २० सप्टेंबरला सिनेमागृहात प्रदर्शित झाला. या चित्रपटाला प्रेक्षकांचा उत्स्फूर्त प्रतिसाद मिळताना दिसत आहे. आता बॉक्स ऑफिसवर हा चित्रपट किती कमाई करणार हे पाहणे महत्त्वाचे ठरणार आहे.
