Navra Maza Navsacha 2 : मराठी कलाविश्वातील ९० च्या दशकातील एव्हरग्रीन चित्रपट चाहत्यांच्या मनात कायम घर करून आहेत. ‘अशी ही बनवाबनवी’, ‘झपाटलेला’, ‘नवरी मिळे नवऱ्याला’ ते ‘नवरा माझा नवसाचा’ या चित्रपटांनी प्रेक्षकांच्या मनात एक वेगळी जागा निर्माण केली आहे. अशातच ‘नवरा माझा नवसाचा २’ लवकरच प्रेक्षकांच्या भेटीला येणार अशी घोषणा अभिनेते व दिग्दर्शक सचिन पिळगांवकरांनी सोशल मीडियावर काही दिवसांपूर्वी केली.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

सचिन पिळगांवकरांच्या घोषणेनंतर सर्वत्र ‘नवरा माझा नवसाचा २’ या चित्रपटाची चर्चा रंगली असून प्रेक्षक याची आतुरतेने वाट पाहत आहेत. चित्रपटाविषयी प्रत्येक अपडेट मिळवण्यासाठी सध्या नेटकरी सुद्धा उत्सुक असल्याचं पाहायला मिळत आहे. २००४ मध्ये ‘नवरा माझा नवसाचा’ चित्रपट प्रदर्शित झाला अन् या चित्रपटाने महाराष्ट्रातील प्रेक्षकांच्या मनावर एक वेगळीच जादू निर्माण केली. आता तब्बल १९ वर्षांनी सचिन पिळगांवकर ‘नवरा माझा नवसाचा’ या चित्रपटाचा दुसरा भाग प्रेक्षकांच्या भेटीला घेऊन येत आहेत.

आणखी वाचा

हेही वाचा : राम चरणच्या बहिणीच्या पहिल्या पतीचं निधन, चिरंजीवी यांच्या लेकीने १९ व्या वर्षी पळून जाऊन केलं होतं लग्न

पहिल्या चित्रपटात आपल्याला गणपती पुळेच्या सहलीची मजेशीर गोष्ट पाहायला मिळाली आणि शेवटी बाप्पाचं दर्शन घडलं. आता नव्या भागात नवस फेडायला वॅकी नेमका कुठे जाणार? यामध्ये कोणकोणते ट्विस्ट असतील याचा उलगडा थेट चित्रपटगृहात होणार आहे. या चित्रपटात अभिनेता स्वप्नील जोशी महत्त्वाची भूमिका साकारणार आहे. परंतु, त्याच्याबरोबर कोणती अभिनेत्री झळकणार माहितीये का? नुकताच ‘नवरा माझा नवसाचा २’ या चित्रपटाच्या डबिंगचा व्हिडीओ सोशल मीडियावर व्हायरल झाला आहे.

मराठी कलाविश्वातील अभिनेत्री हेमल इंगळे या चित्रपटात महत्त्वाच्या भूमिकेत झळकणार आहे. स्टुडिओमधील डबिंगचा एक खास व्हिडीओ तिने सोशल मीडियावर शेअर केला आहे. यावरून आता चित्रपट लवकरच प्रदर्शित होईल असा अंदाज नेटकरी बांधत आहे. हेमलच्या व्हिडीओवर नेटकऱ्यांनी कमेंट्सचा पाऊस पाडला आहे.

हेही वाचा : फराह खान मंचावर येताच मराठमोळ्या गौरव मोरेने केलं असं काही…; दिग्दर्शिकेला हसू आवरेना, पाहा व्हिडीओ

“चित्रपटाची खूप आतुरतेने वाट पाहतोय”, “लवकर प्रदर्शित करा…प्रचंड उत्सुकता आहे” अशा असंख्य कमेंट्स हेमलच्या या व्हिडीओवर करण्यात आल्या आहेत. याशिवाय काही युजर्सनी कमेंट्समध्ये चित्रपटातील आयकॉनिक संवाद लिहिले आहेत. “जेव्हा तुम्ही तुमच्या चित्रपटातील कॉमेडी सीन्स पाहून मनमोकळेपणाने हसत असता…” असं कॅप्शन अभिनेत्रीने या व्हिडीओला दिलं आहे.

दरम्यान, ‘नवरा माझा नवसाचा २’ या चित्रपटाबद्दल सांगायचं झालं, तर यामध्ये सचिन पिळगांवकर यांच्यासह ज्येष्ठ अभिनेते अशोक सराफ, सुप्रिया पिळगांवकर, स्वप्नील जोशी, हेमल इंगळे, अलीसागर, निर्मिती सावंत, वैभव मांगले, सिद्धार्थ जाधव, संतोष पवार अशी दिग्गज कलाकारांची फौज असणार आहे.