‘बाईपण भारी देवा’ या चित्रपटाची सध्या सगळीकडे चर्चा आहे. सहा बहिणींची कहाणी सांगणारा हा चित्रपट पाहण्यासाठी प्रेक्षक सिनेमागृहांमध्ये गर्दी करत आहेत. चित्रपटाला प्रेक्षकांचा उत्तम प्रतिसाद मिळत आहे. ‘बाईपण भारी देवा’ने बॉक्स ऑफिसवर कमाईचे रेकॉर्ड मोडले आहेत. या चित्रपटाला मिळणाऱ्या प्रतिसादाबद्दल आणि रोहिणी हट्टंगडी, वंदना गुप्ते यांच्यासारख्या दिग्गज अभिनेत्रींबरोबर काम करण्याचा अनुभव अभिनेता पियुष रानडेने सांगितला आहे.

आणखी वाचा : “‘बाईपण भारी देवा’मध्ये माझ्याबरोबर झळकलेली ती मुलगी…”, अखेर सोहम बांदेकरने दिले स्पष्टीकरण; म्हणाला, “आई माझ्यावर…”

आणखी वाचा
renukaswamy offere to pavithra gowda live in relationship
Renukaswamy Case Chargesheet: ‘लिव्ह इनमध्ये ये, महिन्याला १० हजार देतो’, चाहत्याची अभिनेत्रीला ऑफर; हत्या होण्यापूर्वी पाठवले गुप्तांगाचे फोटो
SYMBIOSEXUAL
तुम्ही सुद्धा ‘Symbiosexual’ आहात का? ही नवीन लैंगिक ओळख नेमकी काय आहे? इंटरनेटवर याची इतकी चर्चा का?
Renukaswamy murder case photo
Pavithra Gowda: ‘खून होण्याआधी तो हात जोडून…’, अभिनेता दर्शनच्या अत्याचारामुळे मृत चाहत्याचे पालक हादरले
bombay hc refuses to direct cbfc to release certification copy to kangana ranaut emergency
Emergency Movie : कंगनाच्या ‘इमर्जन्सी’ चित्रपटाचे प्रदर्शन लांबणीवर; प्रमाणपत्र देण्याचे आदेश देण्यास उच्च न्यायालयाचा नकार
Mammootty breaks silence
Mammootty : “चित्रपट म्हणजे समाजाचं प्रतिबिंब, त्यात..” ; हेमा समितीच्या अहवालावर अभिनेते मामुट्टींनी सोडलं मौन
shraddha kapoor new house set become akshay kumar neighbour in juhu on rent
कोट्यवधींची मालकीण असून श्रद्धा कपूर राहणार भाड्याने; जुहूमध्ये ‘या’ प्रसिद्ध अभिनेत्याच्या शेजारी घेणार फ्लॅट
actress kangana ranaut praises indira gandhi during promotion of upcoming hindi film emergency
इंदिरा गांधींच्या आयुष्यातून खूप काही शिकण्यासारखं! अभिनेत्री दिग्दर्शक कंगना राणावतचे मत
What does the Hema committee report say about the casting couch in Malayalam cinema
मल्याळी चित्रपटसृष्टीतही ‘कास्टिंग काऊच’? काय सांगतो न्या. हेमा समिती अहवाल?

पियुष रानडेने चित्रपटात चारू म्हणजेच दीपा परबच्या पतीची भूमिका साकारली आहे. छोट्या पण महत्त्वाच्या भूमिकेत असलेल्या पियुषने चित्रपट सुपरहिट झाल्याबद्दल आनंद व्यक्त केला आहे. “या सुपरहिट चित्रपटाचा भाग असल्याचा मला आनंद आहे. माझी भूमिका लहान आहे, पण महत्त्वाची आहे. माझ्या भूमिकेबद्दलचे रील्स पाहून मला जाणवलं की लोकांनी मला लक्षात ठेवलंय. खरं तर कोणतेही पात्र लहान-मोठे नसते, तर कलाकार असतो. मी छोटा कलाकार असू शकतो, पण ते पात्र खूप मोठे आहे,” असं पियुष म्हणाला.

आणखी वाचा : “केसांचा लाल रंग, A अक्षराचे मंगळसूत्र अन्…”, ‘बाईपण भारी देवा’मधील सुचित्रा बांदेकरांच्या लूकची रंगली चर्चा, डिझाईनर म्हणाली…

चित्रपटात रोहिणी हट्टंगडी, वंदना गुप्ते, शिल्पा नवलकर, सुचित्रा बांदेकर, सुकन्या मोने व दीपा परब यांनी सहा बहिणींची भूमिका साकारली आहे. या सहा जणींबरोबर काम करण्याचा अनुभव पियुषने सांगितला. “रोहिणीताई, वंदनाताई, सुकन्याताई या शाळा आहेत. त्यांच्याबरोबर काम केल्याने कलाकार म्हणून तुम्ही खूप पॉलिश होता. त्या खूप सहज अभिनय करतात. बाईपण भारी देवा पाहून जेव्हा कुणी त्यांचं कौतुक करतं ना तेव्हा मी म्हणतो, त्याच्यांसाठी अभिनय म्हणजे सकाळी उठून आवरणं, ब्रश करण्याइतकं सहज आहे. अभिनय त्यांच्यासाठी रुटीन आहे. त्या येतात, काम करतात आणि जातात, पण चित्रपट पाहिल्यावर वाटतं की त्यांनी किती भारी काम केलंय,” असं पियुषने सांगितलं.

चित्रपट पाहिल्यानंतर अनेक जण फोन करून, मेसेज करून माझ्या भूमिकेचं कौतुक करत आहेत. ही खूप मोठी गोष्ट असल्याचं पियुष म्हणाला. दरम्यान, या चित्रपटाने दहा दिवसात २६ कोटींहून अधिक कमाई केली आहे. तसेच हा मराठीतील एका दिवसात सर्वाधिक कमाई करणारा चित्रपट ठरला आहे.