Pooja Sawant : महाराष्ट्राची ‘कलरफूल’ अभिनेत्री पूजा सावंत आणि सिद्धेश चव्हाण यांचा लग्नसोहळा २८ फेब्रुवारी २०२४ रोजी पार पडला. आज अभिनेत्रीच्या लग्नाला बरोबर सहा महिने पूर्ण झाले आहेत. गेल्यावर्षी ( २०२३ ) नोव्हेंबर महिन्यात पूजाने सोशल मीडियावर फोटो शेअर करत आपल्या प्रेमाची जाहीर कबुली दिली होती. यानंतर अभिनेत्रीच्या लग्नाची सर्वत्र आतुरतेने वाट पाहिली जात होती. अखेर फेब्रुवारी महिन्याच्या अखेरिस लग्नगाठ बांधत पूजाने सर्वांना आनंदाची बातमी दिली.
पूजाच्या ( Pooja Sawant ) लग्नाला आज लग्नाला सहा महिने पूर्ण झाल्याने तिने आपल्या नवऱ्यासाठी खास पोस्ट शेअर केली आहे. याशिवाय अभिनेत्रीच्या नवऱ्याने तिला गोड सरप्राइज देखील दिलं आहे. याचा फोटो पूजाने इन्स्टाग्राम स्टोरीवर शेअर केला आहे.
हेही वाचा : पहिल्या नजरेत प्रेम, हिरोने लपवली ओळख अन्…; २३ वर्षांनी पुन्हा प्रदर्शित होणार ‘हा’ रोमँटिक चित्रपट! आजही प्रत्येक गाणं आहे सुपरहिट
लग्नाला सहा महिने पूर्ण होताच पूजाने लग्नातील काही unseen फोटो शेअर केले आहेत. “सहा महिन्यांआधी आम्ही एका नव्या प्रवासाला सुरुवात केली. या प्रवासातील प्रत्येक दिवस सुखाचा होता. तुम्ही सर्वांनी मला आणि सिडला ( Sid ) दिलेलं प्रेम, आशीर्वाद यासाठी आम्ही दोघं कायम ऋणी असू…आमच्यावर असंच प्रेम करत राहा” अशी पोस्ट शेअर करत पूजाने तिच्या सर्व चाहत्यांचे आभार मानले आहेत.
नवऱ्याने दिलं गोड Surprise
पूजाला ( Pooja Sawant ) तिच्या नवऱ्याने देखील खास सरप्राइज दिलं आहे. “Happy Six Moths Boju” अशी चिठ्ठी लिहून त्याच्या बाजूला सिद्धेशने गुलाबाचं फूल ठेवल्याचं या फोटोमध्ये पाहायला मिळत आहे. अभिनेत्रीचा नवरा तिला प्रेमाने Boju या नावाने हाक मारतो. पूजा सध्या ऑस्ट्रेलियात असल्याने हा खास दिवस ती परदेशात साजरा करणार आहे.
पूजाचा ( Pooja Sawant ) नवरा कामानिमित्त ऑस्ट्रेलियात असतो. त्यामुळे अभिनेत्री सध्या काम व शूटिंगमधून वेळ मिळाला की, परदेशात जाते असं पाहायला मिळतंय. पूजाने शेअर केलेल्या सुंदर फोटोंवर नेटकऱ्यांसह मराठी कलाकारांनी कौतुकाचा वर्षाव केला आहे.
