ना पिवळा, ना लाल…; हळदीच्या दागिन्यांसाठी पूजा सावंतने निवडला पांढरा रंग, ‘त्या’ खास गोष्टीने वेधलं लक्ष

पूजाची हळद पारंपरिक पद्धतीने पार पडली. यावेळी अभिनेत्रीने हातात हिरवा चुडा, जांभळ्या रंगाचा लेहेंगा आणि त्यावर पांढऱ्या रंगाच्या फुलांचे दागिने परिधान केले होते. हळदीसाठी सिद्धेशने देखील बायकोच्या लेहेंग्याला मॅचिंग अशा सदऱ्याची निवड केली होती. पूजाच्या या लूकमध्ये एका खास गोष्टीने विशेष लक्ष वेधून घेतलं. ती गोष्ट म्हणजे पूजाने तिच्या हातात खास ‘सिद्धेशची नवरी’ असं नाव लिहिलेला टॅग परिधान केला होता.

हेही वाचा : मंडप सजला, नवरी नटली! नववधू पूजा सावंतचा लूक आला समोर, बहिणीने दाखवली झलक

पूजा याबद्दल सांगते, “हळदीचे दागिने मी खास बनवून घेतले होते. कारण, या दागिन्यांसाठी मला पिवळा किंवा इतर कोणताच रंग नको होता. यासाठी खास हे पांढऱ्या रंगाच्या फुलांचे दागिने मी बनवून घेतले. यामध्ये एक खास गोष्ट आहे ती म्हणजे “सिद्धेशची नवरी”. हा खास टॅग माझ्या संपूर्ण लूकची शोभा वाढवतो.”

हेही वाचा : भर कार्यक्रमात राज ठाकरेंनी संकर्षण कऱ्हाडेचे कान टोचले, म्हणाले, “त्या दिवशी मी नाट्य संमेलनामध्ये…”

दरम्यान, पूजा आणि सिद्धेश यांचं लग्न अरेंज मॅरेज पद्धतीत जमलं असून लवकरच ही जोडी विवाहबंधनात अडकणार आहे. अभिनेत्रीच्या लग्नात मराठी सिनेविश्वातील अनेक लोकप्रिय कलाकार सहभागी होणार आहेत.