लग्नाला एक महिना पूर्ण झाल्याने पती सिद्धेशने बनवला पूजा सावंतसाठी खास पदार्थ; अभिनेत्री फोटो शेअर करत म्हणाली…

लग्नानंतर पूजा सावंतच्या सासरी म्हणजेच सिद्धेशच्या घरी सत्यनारायणाची पूजा पार पडली आणि मग या जोडप्याने सिद्धिविनायकाचं दर्शन घेत आपल्या नव्या आयुष्याची सुरुवात केली. अभिनेत्री सध्या आपल्या पतीबरोबर ऑस्ट्रेलियात एकत्र वेळ घालवत आहे. आज लग्नाला एक महिना पूर्ण झाल्याने सिद्धेशने पूजासाठी खास पदार्थ बनवला आहे. त्याचा फोटो पूजाने सोशल मीडियावर शेअर केला आहे.

हेही वाचा… हिरवा चुडा, मेहेंदीने रंगलेले हात… पूजा सावंतने शेअर केले हनिमूनचे फोटो; म्हणाली, “अजूनही…”

लग्नाला एक महिना पूर्ण झाल्याच्या निमित्ताने सिद्धेशने पूजासाठी एक खास पदार्थ तयार केला आहे. पूजाने तिच्या अधिकृत इन्स्टाग्राम स्टोरीवर याचा फोटो शेअर केला आहे, ज्यात सिद्धेशने बनवलेली खास मेजवानी दिसतेय. या फोटोत चमचमीत मटर पुलावाने सजलेलं ताट पाहायला मिळतंय. या सोबत झणझणीत कांदादेखील सर्व्ह केला गेला आहे. “लग्नाला एक महिना पूर्ण झाल्याने माझ्या पतीने मला ट्रीट दिली आहे”, असं कॅप्शन या स्टोरीला पूजाने दिलं आहे.

लग्नाला एक महिना पूर्ण झाल्याने पूजा आणि सिद्धेशसाठी आजचा दिवस खूप खास आहे. सिद्धेशने दिलेल्या ट्रीटबरोबरच पूजाने सोशल मीडियावर लग्नातील एक व्हिडीओदेखील शेअर केला आहे. ‘मन धागा धागा’ हे तिचं आयकॉनिक गाणं जोडत दोघांच्या लग्नातील विधी, पाहुणेमंडळी आणि लग्नातील त्यांचे भावनिक क्षण यात टिपले गेले आहेत. या व्हिडीओला कॅप्शन देत अभिनेत्रीने लिहिले, “मला असं वाटतं की, मी काल रात्री पाहिलेल्या एका सर्वात सुंदर स्वप्नातून उठले आहे. लग्नाला एक महिना पूर्ण झालाय यावर माझा विश्वासच बसत नाही आहे.”

हेही वाचा… शाहरुख खानच्या मन्नतला मागे टाकत सर्वात महागडं ठरणार रणबीर कपूरचं नवीन घर? बंगल्याला देणार लाडक्या लेकीचं नाव

दरम्यान, पूजा आणि सिद्धेश यांचं लग्न अरेंज मॅरेज पद्धतीत जमलं आहे. २८ नोव्हेंबर २०२३ रोजी पूजाने तिचा आणि सिद्धेशचा पोठमोरा फोटो सोशल मीडियावर शेअर करत त्यांच्या नात्याची कबुली दिली होती, तेव्हापासून पूजाचे चाहते तिच्या लग्नाची आतूरतेने वाट पाहत होते. नंतर १६ फेब्रुवारीला दोघांचा साखरपुडा नातेवाईक आणि मित्रपरिवारासमवेत पार पडला.